India vs England, Leeds Test, Day 3: ലീഡ്‌സ് ടെസ്റ്റില്‍ ഇന്ന് നിര്‍ണായകം. മൂന്നാം ദിനം പൂര്‍ത്തിയാകുമ്പോള്‍ ഇന്ത്യ രണ്ടാം ഇന്നിങ്‌സില്‍ രണ്ട് വിക്കറ്റ് നഷ്ടത്തില്‍ 90 റണ്‍സ് നേടിയിട്ടുണ്ട്. ഒന്നാം ഇന്നിങ്‌സിലെ ആറ് റണ്‍സ് ലീഡ് അടക്കം ആകെ ലീഡ് 96 ആയി.
കെ.എല്‍.രാഹുല്‍ (75 പന്തില്‍ 47), നായകന്‍ ശുഭ്മാന്‍ ഗില്‍ (10 പന്തില്‍ ആറ്) എന്നിവരാണ് ഇന്ത്യക്കായി ക്രീസില്‍. ഓപ്പണര്‍ യശസ്വി ജയ്‌സ്വാള്‍ (11 പന്തില്‍ നാല്), സായ് സുദര്‍ശന്‍ (48 പന്തില്‍ 30) എന്നിവരുടെ വിക്കറ്റുകളാണ് ഇന്ത്യക്ക് നഷ്ടമായത്. ബെന്‍ സ്റ്റോക്‌സിനും ബ്രണ്ടന്‍ കാര്‍സിനുമാണ് വിക്കറ്റുകള്‍.
ഇംഗ്ലണ്ട് ഒന്നാം ഇന്നിങ്‌സില്‍ 465 നു ഓള്‍ഔട്ട് ആകുകയായിരുന്നു. ഒലി പോപ്പ് (137 പന്തില്‍ 106), ഹാരി ബ്രൂക്ക് (112 പന്തില്‍ 99), ബെന്‍ ഡക്കറ്റ് (94 പന്തില്‍ 62), ജാമി സ്മിത്ത് (52 പന്തില്‍ 40), ക്രിസ് വോക്‌സ് (55 പന്തില്‍ 38) എന്നിവരാണ് ഇംഗ്ലണ്ടിനായി മികച്ച പ്രകടനം നടത്തിയത്. ഇന്ത്യക്കായി ജസ്പ്രിത് ബുംറ 24.4 ഓവറില്‍ 83 റണ്‍സ് വഴങ്ങി അഞ്ച് വിക്കറ്റുകള്‍ വീഴ്ത്തി. പ്രസിദ്ധ് കൃഷ്ണ മൂന്നും മുഹമ്മദ് സിറാജ് രണ്ട് വിക്കറ്റും വീഴ്ത്തി. ഒന്നാം ഇന്നിങ്‌സില്‍ ഇന്ത്യ 471 റണ്‍സാണ് നേടിയത്. 400 റണ്‍സെങ്കിലും ലീഡ് ആക്കിയ ശേഷം ഇംഗ്ലണ്ടിനെ രണ്ടാം ഇന്നിങ്‌സില്‍ ബാറ്റ് ചെയ്യാന്‍ അയക്കുകയാണ് ഇന്ത്യയുടെ ലക്ഷ്യം.
