Jacob Bethell: 2 മാസം കൊണ്ട് ഏറെ മാറി, കോലിയില്‍ നിന്നും ഒരുപാട് പഠിച്ചു, ഇപ്പോള്‍ മെച്ചപ്പെട്ട ക്രിക്കറ്ററായി, ഇന്നിങ്ങ്‌സിന്റെ ക്രെഡിറ്റ് കോലിയ്ക്ക് കൊടുത്ത് ജേക്കബ് ബേഥല്‍
ഇന്നലെ വെസ്റ്റിന്‍ഡീസിനെതിരായ ഏകദിന മത്സരത്തില്‍ 53 പന്തില്‍ 82 റണ്‍സുമായി തകര്‍പ്പന്‍ പ്രകടനമാണ് ജേക്കബ് ബേഥല്‍ കാഴ്ചവെച്ചത്.
Jacob Bethell dedicates his innings to virat kohli
ഐപിഎല്‍ ടൂര്‍ണമെന്റില്‍ ഓപ്പണിംഗ് റോളില്‍ നിറം മങ്ങിയ ഫില്‍ സാള്‍ട്ടിന് പകരക്കാരനായാണ് ഇംഗ്ലണ്ടിന്റെ യുവസെന്‍സേഷന്‍ ജേക്കബ് ബേഥല്‍ ഇത്തവണ ആര്‍സിബിക്കായി കളിച്ചത്. താരലേലത്തില്‍ തന്നെ യുവതാരത്തെ ആര്‍സിബി ടീമിലെത്തിച്ചിരുന്നെങ്കിലും ആദ്യ മത്സരങ്ങളില്‍ അവസരം നല്‍കിയിരുന്നില്ല. എന്നാല്‍ സാള്‍ട്ട് നിറം മങ്ങിയതോടെ ഇംഗ്ലണ്ട് യുവതാരത്തിന് ആര്‍സിബിയില്‍ അവസരമൊരുങ്ങുകയും മികച്ച ചില പ്രകടനങ്ങള്‍ താരം കാഴ്ചവെയ്ക്കുകയും ചെയ്തിരുന്നു.
എന്നാല്‍ സീസണ്‍ അവസാനിക്കുന്നതിന് മുന്‍പ് തന്നെ ദേശീയ ടീമിനായി കളിക്കുന്നതിനാല്‍ താരത്തിന് ആര്‍സിബി ക്യാമ്പ് വിടേണ്ടി വന്നിരുന്നു. ഇന്നലെ വെസ്റ്റിന്‍ഡീസിനെതിരായ ഏകദിന മത്സരത്തില്‍ 53 പന്തില്‍ 82 റണ്‍സുമായി തകര്‍പ്പന്‍ പ്രകടനമാണ് ജേക്കബ് ബേഥല്‍ കാഴ്ചവെച്ചത്. മത്സരത്തില്‍ 50 ഓവറില്‍ 8 വിക്കറ്റ് നഷ്ടത്തില്‍ ഇംഗ്ലണ്ട് 400 റണ്‍സെടുത്തപ്പോള്‍ വെസ്റ്റിന്‍ഡീസ് പോരാട്ടം വെറും 162 റണ്‍സില്‍ ഒതുങ്ങി. മത്സരത്തിലെ താരമായി തിരെഞ്ഞെടുക്കപ്പെട്ടത് ബേഥല്‍ ആയിരുന്നു. തന്റെ മികച്ച പ്രകടനത്തിന്റെ ക്രെഡിറ്റ് ആര്‍സിബിക്കും വിരാട് കോലിയ്ക്കും നല്‍കുകയാണ് ബേഥല്‍ ചെയ്തത്. ഇതിനുള്ള കാരണവും താരം വ്യക്തമാക്കി.
2025ലെ ഐപിഎല്‍ സീസണില്‍ ആര്‍സിബിക്കൊപ്പം ചെലവഴിച്ച 2 മാസങ്ങള്‍ തന്നിലെ ക്രിക്കറ്ററെ കൂടുതല്‍ മെച്ചപ്പെടുത്തിയതായി യുവതാരം പറയുന്നു. തീര്‍ച്ചയായും ആര്‍സിബിക്കൊപ്പമുള്ള അനുഭവം എന്റെ കളി മെച്ചപ്പെടുത്താന്‍ സഹായിച്ചിട്ടുണ്ട്. 2 മാസം മുന്‍പുണ്ടായിരുന്നതിനേക്കാള്‍ മെച്ചപ്പെട്ട ക്രിക്കറ്ററാണ് ഞാനിപ്പോള്‍. കോലി ബാറ്റിങ്ങില്‍ ഒരുപാട് കാര്യങ്ങള്‍ പറഞ്ഞുതന്നു. അതെന്റെ ബാറ്റിങ്ങില്‍ ഒരുപാട് ഉപകാരപ്പെട്ടു. മത്സരശേഷം സ്‌കൈ സ്‌പോര്‍ട്‌സുമായി സംസാരിക്കവെ താരം പറഞ്ഞു.
