India vs England Oval Test Day 4: 374 റൺസല്ലെ, പിന്തുടർന്ന് ജയിക്കാൻ ഇംഗ്ലണ്ടിനാകും, ആത്മവിശ്വാസം പ്രകടിപ്പിച്ച് ജോഷ് ടങ്ങ്

ഇന്ത്യക്കെതിരെ 374 റണ്‍സ് വിജയലക്ഷ്യം പിന്തുടര്‍ന്ന് വിജയിക്കാന്‍ ഇംഗ്ലണ്ടിന് സാധിക്കുമെന്ന് ഇംഗ്ലണ്ട് പേസറായ ജോഷ് ടങ്.

Josh Tongue

ഇന്ത്യക്കെതിരെ 374 റണ്‍സ് വിജയലക്ഷ്യം പിന്തുടര്‍ന്ന് വിജയിക്കാന്‍ ഇംഗ്ലണ്ടിന് സാധിക്കുമെന്ന് ഇംഗ്ലണ്ട് പേസറായ ജോഷ് ടങ്. ഓവലില്‍ നടക്കുന്ന അഞ്ചാം ടെസ്റ്റ് മത്സരം നാലാം ദിവസത്തേക്ക് കടക്കുമ്പോഴാണ് മത്സരത്തില്‍ വിജയിച്ച് പരമ്പര സ്വന്തമാക്കാന്‍ ഇംഗ്ലണ്ടിനാകുമെന്ന ആത്മവിശ്വാസം ജോഷ് ടങ്ങ് പ്രകടിപ്പിച്ചത്.

ഹെഡിങ്‌ലിയിലെ മത്സരത്തെ പോലെയാണ് എനിക്കിത് തോന്നുന്നത്. ഞങ്ങള്‍ വളരെ ശാന്തരാണ്. മത്സരത്തെ പറ്റി കൂടുതലായി ചിന്തിക്കുന്നില്ല. ഞങ്ങള്‍ക്കുള്ള ബാറ്റിംഗ് കരുത്ത് വെച്ച് നോക്കുമ്പോള്‍ ഈ ലക്ഷ്യം പിന്തുടര്‍ന്ന് വിജയിക്കാന്‍ കഴിയാതിരിക്കാന്‍ ഒരു കാരണവുമില്ല. ജോഷ് ടങ് പറഞ്ഞു. മൂന്നാം ദിവസം കളി അവസാനിപ്പിക്കുമ്പോള്‍ ഒരു വിക്കറ്റ് നഷ്ടത്തില്‍ 50 റണ്‍സെന്ന നിലയിലാണ് ഇംഗ്ലണ്ട്. വിജയത്തിനായി 324 റണ്‍സാണ് ഇംഗ്ലണ്ടിന് ആവശ്യമായിട്ടുള്ളത്.