ടി20യിൽ കലണ്ടർ വർഷം 2000 റൺസ്, അതിശയകരമായ നേട്ടം കുറിച്ച് മുഹമ്മദ് റിസ്‌വാൻ

കലണ്ടർ വർഷം ടി20യിൽ 2000 റൺസ് നേടുന്ന ആദ്യ ‌താരമായി പാകിസ്ഥാൻ ഓപ്പണിങ് താരം മുഹമ്മദ് റിസ്‌വാൻ. വെസ്റ്റിൻഡീസിനെതിരായ ടി20 പരമ്പരയിലെ അവസാന മത്സരത്തിലാണ് റിസ്‌വാൻ ചരിത്രനേട്ടം സ്വന്തമാക്കിയത്.

ഈ വർഷം ടി20യിൽ ഒരു സെഞ്ചുറിയും 18 അർധസെഞ്ചുറിയുമടക്കമാണ് റിസ്‌വാന്റെ നേട്ടം. പാകിസ്ഥാന് വേണ്ടി 1326 ടി20 റൺസാണ് ഈ വർഷം റിസ്‌വാൻ നേടിയത്. 29 മത്സരങ്ങളിൽ നിന്നും 73.66 ബാറ്റിങ് ശരാശരിയിൽ 134.89 സ്ട്രൈക്ക് റേറ്റോടെയാണ് റിസ്‌വാന്റെ നേട്ടം.

ഈ വർഷം റി‌സ്‌വാൻ നേടിയ 18 അർധസെഞ്ചുറികളിൽ 12 എണ്ണവും പാകിസ്ഥാന് വേണ്ടിയാണ്. രണ്ടാം സ്ഥാനത്തുള്ള ബാബർ അസം 939 റൺസാണ് പാകിസ്ഥാന് വേണ്ടി നേടിയത്.