ഇന്ത്യൻ ദേശീയഗാനം അബദ്ധത്തിൽ പ്ലേ ചെയ്തതല്ല, ഐസിസി വിശദീകരണം നൽകണമെന്ന് പിസിബി

ചാമ്പ്യന്‍സ് ട്രോഫിയില്‍ ഓസ്‌ട്രേലിയ- ഇംഗ്ലണ്ട് മത്സരത്തിന് മുന്നോടിയായി ദേശീയഗാനം പ്ലേ ചെയ്യുന്ന സമയത്ത് ഇന്ത്യന്‍ ദേശീയഗാനം മുഴങ്ങിയത് വിവാദമായിരുന്നു. ലാഹോറിലെ ഗദ്ദാഫി സ്റ്റേഡിയത്തില്‍ ശനിയാഴ്ചയാണ് സംഭവമുണ്ടായത്. ഇതിന്റെ വീഡിയോ പ്രചരിച്ചതോടെ സമൂഹമാധ്യമങ്ങളില്‍ പിസിബിയെ പരിഹസിച്ചുകൊണ്ട് ട്രോളുകള്‍ മുഴങ്ങിയിരുന്നു. ഇംഗ്ലണ്ടിന്റെ ദേശീയഗാനം കഴിഞ്ഞ് ഓസ്‌ട്രേലിയയുടെ ദേശീയഗാനത്തിനായി കാത്തിരിക്കവെയാണ് ഇന്ത്യന്‍ ദേശീയഗാനം മുഴങ്ങിയത്. അബദ്ധം മനസിലാക്കിയ ഉടനെ ഇത് നിര്‍ത്തിയെങ്കിലും ഇതിന്റെ വീഡിയോ ദൃശ്യങ്ങള്‍ സമൂഹമാധ്യമങ്ങളില്‍ വൈറലായിരുന്നു.