Ranji Trophy Final, Kerala vs Vidarbha: അഞ്ചാം വിക്കറ്റും വീണു ! ലീഡ് വഴങ്ങാതിരിക്കാന്‍ കേരളം പൊരുതുന്നു
109 പന്തില്‍ 52 റണ്‍സുമായി നായകന്‍ സച്ചിന്‍ ബേബിയാണ് ഇപ്പോള്‍ ക്രീസില്‍
Ranji Trophy Final, Kerala vs Vidarbha: രഞ്ജി ട്രോഫി ഫൈനലില്‍ വിദര്‍ഭയ്‌ക്കെതിരെ കേരളം പൊരുതുന്നു. വിദര്‍ഭയുടെ ഒന്നാം ഇന്നിങ്‌സ് സ്‌കോറായ 379 മറികടക്കാന്‍ ബാറ്റ് ചെയ്യുന്ന കേരളത്തിനു 70.4 ഓവറില്‍ 219 റണ്‍സില്‍ അഞ്ച് വിക്കറ്റ് നഷ്ടമായി. ഉച്ചഭക്ഷണത്തിനായി പിരിയുമ്പോള്‍ വിദര്‍ഭയുടെ ഒന്നാം ഇന്നിങ്‌സ് സ്‌കോറില്‍ നിന്ന് 160 റണ്‍സ് അകലെയാണ് കേരളം.
109 പന്തില്‍ 52 റണ്‍സുമായി നായകന്‍ സച്ചിന്‍ ബേബിയാണ് ഇപ്പോള്‍ ക്രീസില്‍. 185 പന്തില്‍ 79 റണ്‍സ് നേടിയ ആദിത്യ സര്‍വാതെയെ നഷ്ടമായതാണ് കേരളത്തിനു മൂന്നാം ദിനം തിരിച്ചടിയായത്. അക്ഷയ് ചന്ദ്രന്‍ (11 പന്തില്‍ 14), റോഹന്‍ കുന്നുമ്മല്‍ (പൂജ്യം), അഹമ്മദ് ഇമ്രാന്‍ (83 പന്തില്‍ 37), സല്‍മാന്‍ നിസാര്‍ (42 പന്തില്‍ 21) എന്നിവരുടെ വിക്കറ്റുകളും കേരളത്തിനു നഷ്ടമായി.
വിദര്‍ഭയ്ക്കായി ദര്‍ശന്‍ നല്‍കാണ്ഡെ, ഹര്‍ഷ് ദുബെ എന്നിവര്‍ രണ്ട് വീതം വിക്കറ്റുകള്‍ നേടി. യാഷ് താക്കൂറിനു ഒരു വിക്കറ്റ്.
