മുംബൈ ഇന്ത്യന്‍സ് നായകന്‍ രോഹിത് ശര്‍മയെ പിന്തുണച്ച് മുന്‍ ഇന്ത്യന്‍ താരവും കമന്റേറ്ററുമായ സഞ്ജയ് മഞ്ജരേക്കര്‍. ഐപിഎല്ലില്‍ രോഹിത് ശര്‍മയുടെ ഫോം വിരാട് കോലിയെ പോലെ അത്ര മോശം അവസ്ഥയിലല്ലെന്ന് മഞ്ജരേക്കര്‍ പറഞ്ഞു. കോലിയുമായി താരതമ്യം ചെയ്യുമ്പോള്‍ രോഹിത് ഭേദമാണെന്നാണ് മഞ്ജരേക്കറുടെ അവകാശവാദം.
'രോഹിത് സ്ഥിരമായി 20 റണ്‍സൊക്കെ എടുക്കുന്നു. അദ്ദേഹത്തിന്റെ ഷോട്ടുകള്‍ കാണുമ്പോള്‍ ഇപ്പോഴും നല്ല ടച്ചിലാണെന്ന പ്രതീതിയുണ്ട്. മോശം ഫോമിലുള്ള കോലിയെ പോലെ അല്ല രോഹിത്തിന്റെ അവസ്ഥ. രോഹിത്തിന്റെ കളി കൂടുതല്‍ ഭേദമായി തോന്നുന്നു. പക്ഷേ, അദ്ദേഹം വേഗം ഔട്ടാകുന്നതാണ്. ജോസ് ബട്‌ലറെ പോലെ വമ്പന്‍ ഇന്നിങ്‌സുകള്‍ കളിക്കാന്‍ രോഹിത്തിന് കഴിയുന്നില്ലെന്ന് മാത്രം,' മഞ്ജരേക്കര്‍ പറഞ്ഞു.
