Sanju Samson: 'ചിലപ്പോള്‍ ജോക്കര്‍ ആകേണ്ടിവരും, അല്ലെങ്കില്‍ വില്ലന്‍'; പരിഭവങ്ങളോ പരാതികളോ ഇല്ലാതെ സഞ്ജു (Video)

സഞ്ജുവിനു ഓപ്പണര്‍ സ്ഥാനം നല്‍കാത്ത ടീം മാനേജ്‌മെന്റ് തീരുമാനത്തെ കുറിച്ച് അവതാരകനായ സഞ്ജയ് മഞ്ജരേക്കര്‍ ആണ് ചോദിച്ചത്

Sanju Samson

Sanju Samson: ബംഗ്ലാദേശിനെതിരായ മത്സരത്തില്‍ മലയാളി താരം സഞ്ജു സാംസണെ ബാറ്റിങ്ങിനു ഇറക്കാത്ത ടീം നടപടിയില്‍ വലിയ വിമര്‍ശനങ്ങള്‍ ഉയരുകയാണ്. ശിവം ദുബെ, അക്‌സര്‍ പട്ടേല്‍ എന്നിവര്‍ ബാറ്റിങ്ങിനിറങ്ങിയിട്ടും സഞ്ജുവിന് അവസരം ലഭിച്ചില്ല. എന്നാല്‍ ടീമിനു വേണ്ടി എന്ത് വേഷം കെട്ടാനും താന്‍ തയ്യാറാണെന്ന് പറയുകയാണ് സഞ്ജു. 

സഞ്ജുവിനു ഓപ്പണര്‍ സ്ഥാനം നല്‍കാത്ത ടീം മാനേജ്‌മെന്റ് തീരുമാനത്തെ കുറിച്ച് അവതാരകനായ സഞ്ജയ് മഞ്ജരേക്കര്‍ ആണ് ചോദിച്ചത്. ടീം മാനേജ്‌മെന്റിനെ കുറ്റപ്പെടുത്താതെ, യാതൊരു പരിഭവവും പ്രകടിപ്പിക്കാതെ വളരെ പോസിറ്റീവായാണ് സഞ്ജു ഈ ചോദ്യത്തിനു മറുപടി നല്‍കിയത്.