Select Your Language

Notifications

webdunia
webdunia
webdunia
webdunia

സഞ്ജു സാംസണ്‍ മോശം ഫോമില്‍, ഇന്ത്യന്‍ ടീമില്‍ ഇടം കിട്ടില്ല?

സഞ്ജു സാംസണ്‍ മോശം ഫോമില്‍, ഇന്ത്യന്‍ ടീമില്‍ ഇടം കിട്ടില്ല?

ആദില്‍ എഹ്‌സാന്‍

, ബുധന്‍, 16 ഒക്‌ടോബര്‍ 2019 (19:05 IST)
ഡബിള്‍ സെഞ്ച്വറിക്ക് ശേഷം സഞ്ജു സാംസണ് ചുവട് പിഴയ്ക്കുന്നുവോ? താരം ടീം ഇന്ത്യയില്‍ ഇടം‌പിടിക്കില്ലേ? സഞ്ജു ആരാധകരെ ആശങ്കയിലാഴ്ത്തി താരം മോശം ഫോമിലേക്ക് വഴുതിവീണിരിക്കുന്നു. എന്തായാലും ഉടന്‍ ഒരു തിരിച്ചുവരവ് നടത്തിയില്ലെങ്കില്‍ സഞ്ജുവിന് വേണ്ടി മുറവിളി നടത്തിയവര്‍ വീണ്ടും നിശബ്‌ദതയിലേക്ക് ഉള്‍‌വലിയേണ്ടിവരും.
 
വിജയ് ഹസാരെ ട്രോഫിയില്‍ മിന്നുന്ന ഇരട്ട സെഞ്ച്വറി കുറിച്ച സഞ്ജുവിനെ വാഴ്ത്തി അനവധി പ്രമുഖര്‍ രംഗത്തെത്തിയിരുന്നു. സെലക്ടര്‍ എം എസ് കെ പ്രസാദിന്‍റെ നേരിട്ടുള്ള ശ്രദ്ധയിലും ഈ പ്രകടനം എത്തിയിരുന്നു. ഇതോടെ ഇന്ത്യന്‍ ടീമില്‍ സഞ്ജു സ്ഥാനം ഉറപ്പിച്ചതായി ആരാധകര്‍ വിശ്വസിച്ചിരിക്കുമ്പോഴാണ് മോശം പ്രകടനങ്ങളിലൂടെ സഞ്ജു പ്രതീക്ഷകള്‍ തകര്‍ക്കുന്നത്.
 
ഡബിള്‍ സെഞ്ച്വറി അടിച്ചതിന് ശേഷം തുടര്‍ച്ചയായ രണ്ടാം മത്സരത്തിലും സഞ്ജു സാംസണ്‍ ബാറ്റിംഗില്‍ പരാജയപ്പെട്ടു. വിജയ് ഹസാരെ ട്രോഫിയില്‍ മുംബൈക്കെതിരായ മത്സരത്തില്‍ 15 റണ്‍സ് മാത്രമെടുത്താണ് സഞ്ജു ഔട്ടായതെങ്കില്‍ ആന്ധ്രാപ്രദേശിനെതിരെ പൂജ്യത്തിനാണ് സഞ്ജു പുറത്തായത്. ഈ രീതി തുടരുകയാണെങ്കില്‍ സഞ്ജുവിന് ടീം ഇന്ത്യയുടെ വാതില്‍ തുറക്കുന്നതിനായി ഇനിയും കാത്തിരിക്കേണ്ടിവരും. 

Share this Story:

Follow Webdunia malayalam

അടുത്ത ലേഖനം

ധോണിയെന്ന കൌശലക്കാരൻ, പാകിസ്ഥാനെ തോൽപ്പിച്ച് ഇന്ത്യ; കൂൾ ക്യാപ്റ്റൻ ഒരുക്കിയ കെണി