ഇന്ത്യന്‍ താരം ശ്രേയസ് അയ്യര്‍ക്ക് പഞ്ചാബ് കിംഗ്‌സിന്റെ തലവര തന്നെ മാറ്റാനാകുമെന്ന് മുന്‍ ഇന്ത്യന്‍ താരമായ സുരേഷ് റെയ്‌ന. ഐപിഎല്‍ ഔദ്യോഗിക സംപ്രേക്ഷകരായ ജിയോസ്റ്റാര്‍ സംഘടിപ്പിച്ച സംവാദത്തിലാണ് റെയ്‌ന ഇക്കാര്യം പറഞ്ഞത്. ഇത്തവണ പോണ്ടിംഗാണ് പഞ്ചാബിന്റെ പരിശീലകന്‍. മികച്ച ബാറ്റര്‍മാര്‍ പഞ്ചാബ് നിരയിലുണ്ട്. അതിനാല്‍ തന്നെ നായകനായ ശ്രേയസ് അയ്യര്‍ക്ക് പഞ്ചാബിന്റെ തലവര മാറ്റാനാകുമെന്നാണ് റെയ്‌നയുടെ വിലയിരുത്തല്‍.
പഞ്ചാബിന്റെ ബാറ്റിംഗ് ഇത്തവണ മികച്ചതാണ്. മികച്ച ക്യാപ്റ്റന്‍സി കഴിവുകള്‍ ശ്രേയസിനുണ്ട്. നായകനെന്ന നിലയില്‍ ശ്രേയസ് ഐപിഎല്‍ വിജയിച്ചിട്ടുണ്ട്. ശ്രേയസിനൊപ്പം പോണ്ടിംഗ് കൂടി ചേരുമ്പോള്‍ പഞ്ചാബ് കരുത്തുറ്റതാകും. കൊല്‍ക്കത്തയെ നയിച്ചുള്ള പരിചയം അയ്യര്‍ക്ക് ഗുണകരമാകും. സുരേഷ് റെയ്‌ന പറഞ്ഞു.
