ടി20 ലോകകപ്പ് പടിവാതിക്കല്‍ നില്‍ക്കെ ഇന്ത്യന്‍ ടീമില്‍ ആരെല്ലാമാകും ഇടം പിടിക്കുക എണ്ണ ആകാംക്ഷയിലാണ് ക്രിക്കറ്റ് ലോകം. ഐപിഎല്‍ കഴിഞ്ഞ് ദിവസങ്ങള്‍ക്കുള്ളില്‍ നടക്കുന്ന ടൂര്‍ണമെന്റായതിനാല്‍ തന്നെ ഐപിഎല്ലിലെ പ്രകടനങ്ങളാകും ഇന്ത്യന്‍ ടീം തെരെഞ്ഞെടുപ്പില്‍ നിര്‍ണായകമാവുക. ഇന്ത്യന്‍ ടീം പ്രഖ്യാപനത്തിന്റെ ഭാഗമായി സെലക്ഷന്‍ കമ്മിറ്റി തലവന്‍ അജിത് അഗാര്‍ക്കറും ഇന്ത്യന്‍ നായകന്‍ രോഹിത് ശര്‍മയും ഡല്‍ഹിയില്‍ വെച്ച് കൂടിക്കാഴ്ച നടത്തിയേക്കുമെന്നാണ് ഇപ്പോള്‍ പുറത്തുവരുന്ന വാര്‍ത്ത.
ഇന്നലെ മുംബൈ ഇന്ത്യന്‍സ് ഡല്‍ഹി ക്യാപ്പിറ്റല്‍സ് മത്സരം കാണുന്നതിനായി അജിത് അഗാര്‍ക്കര്‍ ഡല്‍ഹിയിലെത്തിയിരുന്നു. ഇതിന് പിന്നാലെ രോഹിത്തുമായി അഗാര്‍ക്കര്‍ കൂടിക്കാഴ്ച നടത്തുമെന്നാണ് റിപ്പോര്‍ട്ടുകള്‍. മെയ് ഒന്നിന് ഇന്ത്യ തങ്ങളുടെ ലോകകപ്പ് ടീമിനെ പ്രഖ്യാപിക്കുമെന്നാണ് കരുതുന്നത്. 15 അംഗ സംഘമാകും ലോകകപ്പിനായി വെസ്റ്റിന്‍ഡീസിലേക്ക് തിരിക്കുക.
