സ്ത്രീ പീഡനക്കേസിൽ പിടിയിലാകും എന്നു വന്നപ്പോൾ ഗൾഫിലേക്ക് കടന്ന ഹരിയാന സ്വദേശി കൊച്ചി വിമാനത്താവളത്തിൽ പിടിയിലായി. ദോഹയിൽ നിന്നും ഖത്തൽ എയർവെയ്സിൽ കൊച്ചിയിലെത്തിയ അങ്കിത് എമിഗ്രേഷൻ വിഭാഗത്തിന്റെ പിടിയിലാവുകയായിരുന്നു.
പിടിയിലായ പ്രതിയെ എയർപോർട്ട് അധികൃതർ നെടുമ്പാശേരി പൊലീസിന് കൈമാറി. ഹരിയാന പൊലീസിനെ വിവരമറിയിച്ചതായും ഹരിയാന പൊലീസ് എത്തിയാൽ പ്രതിയെ കൈമാറുമെന്നും നെടുമ്പാശേരി പൊലീസ് വ്യക്തമാക്കി.
സ്ത്രീ പീഡനക്കേസിൽ പ്രതിയായ ഇയാൾ രണ്ട് വർഷം മുൻപ് പൊലീസിനെ വെട്ടിച്ച് വിദേശത്തേക്ക് കടക്കുകയായിരുന്നു. തുടർന്ന് അങ്കിതിനെതിരെ പൊലീസ് ലുക്കൌട്ട് നോട്ടീസ് പുറപ്പെടുവിച്ചിരുന്നു.
