പ്രായപൂര്‍ത്തിയാകാത്ത പെണ്‍കുട്ടിയെ ആളൊഴിഞ്ഞ സ്ഥലത്തെത്തിച്ച് പീഡിപ്പിച്ച ശേഷം ദൃശ്യങ്ങള്‍ മൊബൈലില്‍ പകര്‍ത്തി വിദേശത്തുള്ള പെണ്‍കുട്ടിയുടെ പിതാവിന് അയച്ചു കൊടുത്തു. സംഭവത്തിൽ പിതാവിന്റെ ബന്ധുവായ യുവാവിനെ പൊലീസ് പിടികൂടി.
പെണ്‍കുട്ടിയുടെ മാതാപിതാക്കളുടെ പരാതിയിലാണ് അറസ്റ്റ്. ആന്ധ്രപ്രദേശിലെ ശ്രീകാകുളം സ്വദേശിയായ 28-കാരനെയാണ് പെണ്‍കുട്ടിയുടെ മാതാപിതാക്കളുടെ പരാതിയില്‍ പൊലീസ് പിടികൂടിയത്.
പതിനാലുവയസ്സുകാരിയായ പെണ്‍കുട്ടിയെ പ്രതി വീടിനടുത്തുള്ള ആളൊഴിഞ്ഞ സ്ഥലത്തേക്ക് കൊണ്ടുപോയാണ് പീഡിപ്പിച്ചത്. തുടര്‍ന്ന് പീഡനത്തിന്റെ വീഡിയോ ദൃശ്യങ്ങള്‍ വിദേശത്തായിരുന്ന പെണ്‍കുട്ടിയുടെ പിതാവിന് അയച്ചുനല്‍കുകയായിരുന്നു.
