ഇതിൽ എവിടെയാണ് പീഡനം? ശ്രുതിക്കെതിരെ അർജുന്റെ മകൾ

മീടൂ വിവാദം ശക്തമായി തന്നെ തുടരുകയാണ്. കഴിഞ്ഞ ദിവസം മലയാളി നടി ശ്രുതി ഹരിഹരൻ തെന്നിന്ത്യൻ താരം അർജുൻ സർജയ്‌ക്ക് നേരെ മീ ടൂ ആരോപണം നടത്തിയിരുന്നു. എന്നാൽ അർജുനെതിരെ ശ്രുതി പറഞ്ഞതിൽ എവിടെയാണ് പീഡനമെന്ന് അർജുന്റെ മകൾ ഐശ്വര്യ ചോദിക്കുന്നു.

നിപുണൻ എന്ന ചിത്രത്തിൽ അഭിനയിക്കുന്നതിന്റെ റിഹേഴ്‌സൽ നോക്കുന്നതിനിടെ തന്റെ അനുവാദം കൂടാതെ അർജുൻ തന്നെ കെട്ടിപ്പിടിച്ചു എന്നായിരുന്നു നടിയുടെ ആരോപണം. ഇതിനെതിരെയാണ് ഐശ്വര്യ രംഗത്തെത്തിയത്. 

ആരെങ്കിലും ബലംപ്രയോഗിച്ച് ഉപദ്രവിക്കുക, അല്ലെങ്കിൽ മറ്റൊരാളുടെ സമ്മതപ്രകാരമല്ലാതെ ചെയ്യുക. ഇതൊക്കെയാണ് മീ ടു ക്യാംപെയ്നുകളിലൂടെ വെളിപ്പെടുത്തുന്നത്. ശ്രുതിയെപ്പോലുള്ളവർ അവരുടെ നേട്ടത്തിനായി മീ ടുവിനെ ഉപയോഗിക്കുന്നുവെന്ന് ഐശ്വര്യ പറയുന്നു. 

ശ്രുതിയുടെ ആരോപണത്തോട് ചിത്രത്തിന്റെ സംവിധായകൻ അരുൺ വൈദ്യനാഥ് പ്രതികരിച്ചിരുന്നു. അന്ന്, അർജുൻ സാർ പറഞ്ഞതുകൊണ്ട് ഞാൻ തിരക്കഥയിൽ മാറ്റങ്ങൾ വരുത്തിയിരുന്നു. പ്രണയരംഗമായതുകൊണ്ട് തന്നെ കുറച്ച് തീവ്രമായിട്ടായിരുന്നു ആ സീനുകൾ താൻ എഴുതിയിരുന്നത്. എന്നാൽ ആ തിരക്കഥയിൽ മറ്റം വരുത്തണമെന്ന് അർജുൻ സാറ്‍ എന്നോട് അന്ന് പറഞ്ഞിരുന്നുവെന്ന് സംവിധായകനും വെളിപ്പെടുത്തിയിരുന്നു.