ദക്ഷിണേന്ത്യന്‍ ചലച്ചിത്രമേഖലയിലെ ഏറ്റവും പ്രശസ്തനായ സംവിധായകരില്‍ ഒരാളാണ് അറ്റ്ലി കുമാര്‍. ഷാരൂഖ് ഖാന്റെ 'ജവാന്' എന്ന ചിത്രത്തിലൂടെ അദ്ദേഹം അടുത്തിടെ ബോളിവുഡിലും അരങ്ങേറ്റം കുറിച്ചിരുന്നു. 1000 കോടി ക്ലബ്ബില്‍ എത്തിയ ജവാന് പിന്നാലെ പുതിയ സിനിമയുടെ ജോലികളുടെ തിരക്കിലേക്ക് കടക്കുകയാണ് അറ്റ്ലി.
ടോളിവുഡ് താരം അല്ലു അര്‍ജുനും സംവിധായകന്‍ ആറ്റ്ലിയും ഒരുമിച്ചുള്ള ഒരു പ്രൊജക്റ്റ് അണിയറയില്‍ ഒരുങ്ങുന്നു. രണ്ടാളും ഒന്നിക്കുന്നതുമായി ബന്ധപ്പെട്ട് ഔദ്യോഗിക പ്രഖ്യാപനമൊന്നും വന്നിട്ടില്ലെങ്കിലും നിരവധി റിപ്പോര്‍ട്ടുകളാണ് പ്രചരിക്കുന്നത്.
ഈ ചിത്രത്തിനായി 60 കോടി രൂപയാണ് അറ്റ്ലി ആവശ്യപ്പെടുന്നതെന്നാണ് വാര്‍ത്തകള്‍. നിലവില്‍ 'പുഷ്പ 2: ദ റൂള്‍'ചിത്രീകരണത്തിലാണ് അല്ലു അര്‍ജുന്‍. വിശാഖപട്ടണത്തിലാണ് ചിത്രീകരണം പുരോഗമിക്കുന്നത്.
എന്തായാലും പുതിയ സിനിമയുടെ ഔദ്യോഗിക സ്ഥിരീകരണത്തിനായി ആകാംക്ഷയോടെ കാത്തിരിക്കുകയാണ് ആരാധകര്‍.
