മകള്‍ അവന്തികയെ അമൃത പിടിച്ചുവച്ചിരിക്കുകയാണെന്ന് ബാല ആരോപണം ഉന്നയിച്ചിരുന്നു. എന്നാല്‍ 18 വയസു വരെ മകളുടെ രക്ഷാധികാരി അമൃത ആയിരിക്കുമെന്നും എല്ലാ മാസവും രണ്ടാം ശനിയാഴ്ച രാവിലെ 10 മുതല്‍ വൈകിട്ട് നാല് വരെയുള്ള സമയത്ത് മകളെ കാണാമെന്നുമുള്ള വ്യവസ്ഥ ബാല അംഗീകരിച്ചിട്ടുള്ളതാണ്. ആദ്യ തവണ അമൃത ഇപ്രകാരം മകളെ കൊണ്ടുപോയെങ്കിലും ബാല കോടതിയില്‍ എത്തിയില്ല. അങ്ങനെ വരാത്ത പക്ഷം ആ മാസത്തില്‍ പിന്നീട് കാണിക്കേണ്ട ആവശ്യമില്ലെന്നും അടുത്ത മാസം കാണണമെങ്കില്‍ ഈ മെയില്‍ വഴി ബാല സന്ദേശം അയച്ചിരിക്കണമെന്നും വ്യവസ്ഥയില്‍ പറയുന്നു. ഒരിക്കല്‍ പോലും മകളെ കാണണമെന്ന് ആവശ്യപ്പെട്ട് ബാല തനിക്ക് മെയില്‍ അയച്ചിട്ടില്ലെന്നും അമൃത പറയുന്നു.