ഭാവനയുമായി ലിപ് ലോക്ക് ഉള്ളത് മാത്രം ഭാര്യയോട് പറഞ്ഞില്ല; ഹണീ ബി സിനിമയിലെ സീനിനെ കുറിച്ച് ആസിഫ് അലി

ആസിഫ് അലിയുടെ കരിയറില്‍ ഏറെ സ്വാധീനം ചെലുത്തിയ സിനിമയാണ് ഹണീ ബി. ഈ ചിത്രത്തിലെ ആസിഫ് അലിയുടെ കഥാപാത്രത്തിന് ഏറെ ആരാധകരുണ്ട്. ഹണീ ബിയിലെ ആസിഫ് അലി-ഭാവന കോംബിനേഷനും ഏറെ ശ്രദ്ധിക്കപ്പെട്ടതാണ്. ഹണീ ബിയിലെ ലിപ് ലോക്ക് സീനിനെ കുറിച്ച് കൈരളിക്ക് നല്‍കിയ പഴയൊരു അഭിമുഖത്തില്‍ ആസിഫ് തുറന്നുപറഞ്ഞിട്ടുണ്ട്. തിയറ്ററില്‍ ഭാര്യക്കൊപ്പം ആ സീന്‍ കണ്ടപ്പോള്‍ ഉണ്ടായ അനുഭവത്തെ കുറിച്ചാണ് ആസിഫ് വെളിപ്പെടുത്തിയത്. 

'കല്യാണം കഴിഞ്ഞിട്ട് ഫസ്റ്റ് റിലീസ് ആകുന്നത് ഹണീ ബിയാണ്. അതില്‍ ലാസ്റ്റ് സീനില്‍ ലിപ് ലോക്കുണ്ട്. സിനിമയെ കുറിച്ച് എല്ലാം ഞാന്‍ പറഞ്ഞു. ഭാവനയായിട്ടുള്ള ലിപ് ലോക്ക് ഉള്ളത് മാത്രം ഭാര്യയോട് പറഞ്ഞില്ല. അതെങ്ങനെ ഹാന്‍ഡില്‍ ചെയ്യണമെന്ന് അറിയില്ലായിരുന്നു. തിയറ്ററില്‍ പോയി ഈ സീന്‍ ആകാറായപ്പോള്‍ ചെറിയൊരു നെഞ്ചുവേദനയുണ്ട്. ലിപ് ലോക്ക് കിസ് സീന്‍ കഴിഞ്ഞ് ഞാന്‍ അവളെയൊന്ന് നോക്കി. അപ്പോള്‍ അവളും എന്നെ നോക്കി,' ആസിഫ് അലി ചിരിച്ചുകൊണ്ട് പറഞ്ഞു.