ബിഗ്ബോസിലൂടെ ശ്രദ്ധേയയായ താരമാണ് മരിയ ജൂലിയാന. ബിഗ്ബോസിലേക്ക് വരുന്നതിനു മുൻപ് നഴ്‌സായി ജോലി ചെയ്യുകയായിരുന്നു താരം. വീണ്ടും നഴ്സിങ് ജോലിയിലേക്ക് പ്രവേശിക്കില്ലെന്ന് വ്യക്തമാക്കിയിരിക്കുകയാണ് താരം. രോഗികളുടെ ജീവൻ അപകടപ്പെടുത്താൻ താൻ ആഗ്രഹിക്കുന്നില്ല എന്നാണ് ഒരു ആരാധകന്റെ ചോദ്യത്തിന് ജൂലി മറുപടി കൊടുത്തിരിക്കുന്നത്.
”എല്ലാവരും എന്നോട് ഇത് ചോദിക്കുന്നു… ഞാൻ ഇപ്പോൾ അഭിനയം മാത്രമാണ് നോക്കുന്നത്. പൂർണ്ണമായ അർപ്പണബോധവും കഠിനാധ്വാനവും ആവശ്യമുള്ള ഒരു വിശുദ്ധ ജോലിയാണ് നഴ്‌സിംഗ്…മറ്റ് ഫ്രീലാൻസ് ജോലികൾ പോലെ നഴ്‌സിംഗ് ചെയ്യാനാകില്ല…രണ്ട് ജോലികൾ ഒരേ സമയം കൈകാര്യം ചെയ്യുന്നത് വളരെ ബുദ്ധിമുട്ടാണ്…ഷൂട്ടിംഗിന് പോകുന്നത് ജോലിക്ക് എത്തുന്നത് വൈകിപ്പിക്കുകയും രോഗികൾ കാത്തിരിക്കേണ്ടയും വരും. രോഗികളുടെ ജീവൻ അപകടപ്പെടുത്താൻ എനിക്ക് സാധിക്കില്ല…” എന്നാണ് ജൂലി കുറിച്ചിരിക്കുന്നത്.
തമിഴ്‌നാട്ടിലെ ജല്ലിക്കെട്ട് വിവാദത്തിൽ പ്രതികരിച്ചാണ് ജൂലി സോഷ്യൽ മീഡിയയിൽ ശ്രദ്ധേയമാകുന്നത്. ഇതിനുശേഷമാണ് ജൂലി ബിഗ്ബോസിലേക്ക് എത്തിയത്. ‘അനിത എംബിബിഎസ്’, ‘അമ്മൻ തായെ’ എന്നീ സിനിമകളാണ് ജൂലിയുടെതായി ഒരുങ്ങുന്നത്.
