കലാഭവൻ ഷാജോൺ ആദ്യമായി സംവിധാനം ചെയ്യുന്ന ചിത്രത്തിനു വേണ്ടി ഗാനമെഴുതി ആലപിച്ച് തെന്നിന്ത്യൻ താരം ധനുഷ്. ധനുഷ് എഴുതി ആലപിച്ച ഗാനത്തിന്റെ ലിറിക്കൽ വീഡിയോ പുറത്തുവിട്ട് അണിയറപ്രവര്‍ത്തകര്‍. പ്രഖ്യാപിച്ചത് മുതല്‍ ഈ ഗാനത്തിന് വേണ്ടിയുള്ള കാത്തിരിപ്പിലായിരുന്നു ഇരു താരങ്ങളുടെയും ആരാധകര്‍. നെഞ്ചോട് വിനാ എന്ന തമിഴ് ഗാനം ആരേയും ആകര്‍ഷിക്കുന്നതാണ്.
ചിത്രത്തിന്റെ ട്രെയിലറിന് മികച്ച പ്രതികരണമാണ് ലഭിക്കുന്നത്. മില്യൺ വ്യൂവ്സുമായി മുന്നേറുകയാണ് ട്രെയിലർ. ഐശ്വര്യ ലക്ഷ്മി, തമിഴ് നടന്‍ പ്രസന്ന, പ്രയാഗാ മാര്‍ട്ടിന്‍, , മഡോണ സെബാസ്റ്റിന്‍, മിയ ജോര്‍ജ്ജ്, ധര്‍മജന്‍, കോട്ടയം നസീര്‍, പൊന്നമ്മ ബാബു, കൊച്ചു പ്രേമന്‍ സ്ഫടികം ജോര്‍ജ്ജ്, ശിവജി ഗുരുവായൂര്‍ തുടങ്ങി വന്‍ താരനിരയാണ് ചിത്രത്തില്‍ അണിനിരക്കുന്നത്.
മാജിക് ഫ്രെയിമിന്റെ ബാനറില്‍ ലിസ്റ്റില്‍ സ്റ്റീഫനാണ് ചിത്രം നിര്‍മ്മിക്കുന്നത്. ജിത്തു ദാമോദറാണ് ഛായാഗ്രഹണം.
