പ്രതിസന്ധികൾ ഏറെ വലക്കുമ്പോഴും വീണ്ടും ഒരു ഇഷ്ടവാഹനം സ്വന്തമാക്കിയിരിക്കുയാണ് ജനപ്രിയ താരം ദിലിപ്. ഇത്തവണ സവാരിക്കായി ദിലീപ് കൂടെക്കൂട്ടിയിരിക്കുന്നത് ആഡംബരത്തിന്റെ അവസാനവാക്ക് എന്ന് വിശേഷിപ്പിക്കുന്ന ബി എം ഡബ്ല്യു 7 സീരീസിനെയാണ്. നേരത്തെ ടൊവിനോയും ഇതേ കാർ സ്വന്തമാക്കിയിരുന്നു.
ആഡംബര വാഹങ്ങളുടെ ഒരു വലിയ നിര തന്നെയുണ്ട് ദിലീപിനെങ്കിലും ബി എം ഡബ്ല്യു 7 സീരീൽ അക്കൂട്ടത്തിൽ ഇനി മുൻപന്തിയിൽ തന്നെ നിൽക്കും. ദിലീപും അമ്മയും ചേർന്നാണ് വാഹനത്തിന്റെ താക്കോൽ ഏറ്റുവാങ്ങിയത്.
കൊച്ചിയിലെ ബി എം ഡബ്ല്യു ഷോറൂമിൽനിന്നുമാണ് ദിലീപ് ഇഷ്ട വാഹനം സ്വന്തമാക്കിയത്. സാമൂഹ്യ മാധ്യമങ്ങളിൽ ദിലീപിന്റെ പുതിയ കാറ്‌ വലിയ ചർച്ചാ വിഷയമായിക്കഴിഞ്ഞു. ബി എം ഡബ്ലിയു 7 സീരീസ് ദിലീപ് സ്വന്തമാക്കിയതിൽ ആരാധകരും ഏറെ സന്തോഷത്തിലാണ്.
2016ലെ ലോക കാറായി തിരഞ്ഞെടുക്കപ്പെട്ട വാഹനമാണ് ബി എം ഡബ്ല്യു സെവൻ സീരീസ്. 322 ബി എച്ച് പി കരുത്ത് നൽകുന്ന 2998 സി സി പ്ട്രോൾ. 262 ബി എച്ച് പി കരുത്തുള്ള 2993 സി സി ഡീസൽ എന്നീ എഞ്ചിൻ വേരിയന്റുകളിലാണ് വാഹനം വിപണിയിലുള്ളത്.
വെറും 5.6 സെക്കറ്റുകൾകൊണ്ട് പെട്രോൾ വേരിയന്റിന് 0ത്തിൽ നിന്നും 100 കിലോമീറ്റർ വേഗത കൈവരിക്കാൻ സാധിക്കും. ഡീസൽ പതിപ്പിൽ 6.2 സെക്കന്റിൽ ഈ വേഗത കൈവരികും. 1.24 കോടി മുതൽ 1.34 കോടി വരെയാണ് വാഹനത്തിന്റെ വിവിധ മോഡലുകളുടെ വില.
