Diya Krishna - Birth Video: 'ഒരുത്തി അവിടെ പ്രാണവേദനയെടുത്ത് പുളയുന്നു, അപ്പോഴാണ് സെല്‍ഫി'; ചിരിപ്പിച്ച് ദിയ കൃഷ്ണയുടെ പ്രസവ വീഡിയോ

ദിയ വേദനയെടുത്ത് കരയുമ്പോള്‍ അമ്മയും സഹോദരിമാരും എത്ര കൂളായാണ് നില്‍ക്കുന്നതെന്നാണ് സോഷ്യല്‍ മീഡിയയില്‍ പലരും ചോദിക്കുന്നത്

Diya Krishna - Birth Video

Diya Krishna - Birth Video: സോഷ്യല്‍ മീഡിയ ഇന്‍ഫ്‌ളുവന്‍സറും നടന്‍ കൃഷ്ണകുമാറിന്റെ മകളുമായ ദിയ കൃഷ്ണയുടെ പ്രസവ വ്‌ളോഗ് യുട്യൂബില്‍ ട്രെന്‍ഡിങ് ആയി തുടരുകയാണ്. രണ്ട് ദിവസം കൊണ്ട് യുട്യൂബില്‍ 70 ലക്ഷത്തില്‍ അധികം ആളുകളാണ് വ്‌ളോഗ് കണ്ടത്. 

അതേസമയം വ്‌ളോഗിനിടയിലെ പല രംഗങ്ങളും സോഷ്യല്‍ മീഡിയയില്‍ ട്രോളായിട്ടുണ്ട്. അതിലൊന്നാണ് ദിയ കൃഷ്ണ പ്രസവ വേദനയെടുത്ത് പുളയുന്നതിനിടെ സഹോദരിമാര്‍ ചിരിച്ചുകൊണ്ട് പോസ് ചെയ്യുന്ന ദൃശ്യങ്ങള്‍. ദിയയുടെ ചേച്ചി അഹാന കൃഷ്ണയും അനിയത്തിമാരായ ഇഷാനി കൃഷ്ണ, ഹന്‍സിക കൃഷ്ണ എന്നിവര്‍ ക്യാമറയിലേക്ക് പോസ് ചെയ്യുന്നത് കാണാം. മാത്രമല്ല അമ്മ സിന്ധു കൃഷ്ണയെയും ഇതില്‍ കാണിക്കുന്നുണ്ട്. 

View this post on Instagram

A post shared by αlbῖͷ ᴊośһʏ (@albin__joshy)

ദിയ വേദനയെടുത്ത് കരയുമ്പോള്‍ അമ്മയും സഹോദരിമാരും എത്ര കൂളായാണ് നില്‍ക്കുന്നതെന്നാണ് സോഷ്യല്‍ മീഡിയയില്‍ പലരും ചോദിക്കുന്നത്. 'അമ്മയ്ക്കു പ്രാണവേദന, മകള്‍ക്കു വീണ വായന' എന്ന പഴഞ്ചൊല്ല് അടക്കം പരാമര്‍ശിച്ചാണ് സോഷ്യല്‍ മീഡിയയില്‍ ട്രോള്‍ നിറഞ്ഞിരിക്കുന്നത്. ഒരുത്തന് എന്തെങ്കിലും അപകടം പറ്റി ആശുപത്രിയില്‍ കിടക്കുമ്പോള്‍ കൂട്ടുകാര്‍ ഇങ്ങനെയാണെന്നാണ് മറ്റു ചിലര്‍ ചിരിച്ചുകൊണ്ട് പറയുന്നത്. 

പ്രസവ സമയത്ത് കൃഷ്ണകുമാറും കുടുംബവും ദിയയ്ക്കൊപ്പം ഉണ്ടായിരുന്നു. ദിയയുടെ ജീവിതപങ്കാളി അശ്വിനെയും വീഡിയോയില്‍ കാണാം. നിയോം അശ്വിന്‍ കൃഷ്ണ എന്നാണ് കുഞ്ഞിനു പേരിട്ടിരിക്കുന്നത്. പ്രസവശേഷം ആശുപത്രി ജീവനക്കാര്‍ക്ക് കൃഷ്ണകുമാര്‍ മധുരം വിതരണം ചെയ്തു. ഏകദേശം ഒരു മണിക്കൂറോളം ദൈര്‍ഘ്യമുള്ള വീഡിയോയില്‍ ഡെലിവറിക്കായി ലേബര്‍ റൂമിലേക്ക് പോകുന്നതിനു മുന്‍പുള്ള വിശേഷങ്ങളും ദിയ പങ്കുവയ്ക്കുന്നുണ്ട്. 

സോഷ്യല്‍ മീഡിയയില്‍ നിരവധി പേരാണ് ദിയയെയും കുടുംബത്തെയും പ്രശംസിച്ചിരിക്കുന്നത്. ലോകത്തുള്ള എല്ലാ പുരുഷന്‍മാരും ഈ വീഡിയോ കണ്ടിരിക്കണമെന്നും പ്രസവ സമയത്ത് ഒരു സ്ത്രീ കടന്നുപോകുന്ന അവസ്ഥകളെ മനസിലാക്കണമെന്നും ദിയയുടെ വീഡിയോയ്ക്കു താഴെ നിരവധി പേര്‍ കമന്റ് ചെയ്തിട്ടുണ്ട്.