സൂക്ഷിച്ചു നോക്കണ്ടടാ ഉണ്ണീ, ഇത് ഞാന്‍ തന്നെ...; കൂട്ടത്തില്‍ ഒരാള്‍ ഇന്ന് സിനിമാതാരം !

അവന്‍ എത്ര വലുതായാലും നവ്യ നായര്‍ക്ക് അനിയന്‍ രാഹുല്‍ ചോട്ടുവാണ്. ചേച്ചിയുടെ സ്‌നേഹത്തിന് ഒരു കുറവും വന്നിട്ടില്ല ഇപ്പോഴും. അത്രത്തോളം സ്‌നേഹിച്ചാണ് രാഹുലിനെ നവ്യ വളര്‍ത്തിയത്. വലിയ പ്രായവ്യത്യാസമില്ലാത്തതിനാല്‍ അവര്‍ക്കിടയിലെ സഹോദര ബന്ധത്തിന് അന്നും ഇന്നും കുറവ് വന്നിട്ടില്ല.വിവാഹം കഴിഞ്ഞ് കുടുംബമായി കഴിയുകയാണ് രാഹുല്‍. ഇപ്പോഴിതാ രാഹുലിനൊപ്പമുള്ള കുട്ടിക്കാല ചിത്രം പങ്കുവെച്ചിരിക്കുകയാണ് നവ്യനായര്‍.

വിവാഹശേഷം പിന്നെ നടിയെ സിനിമയില്‍ കണ്ടിരുന്നില്ല. വീട്ടമ്മയായി വീട്ടില്‍ തന്നെ ഒതുങ്ങിക്കൂടാന്‍ നവ്യക്ക് ഇഷ്ടവുമല്ല. ഏറെ കാലത്തിനുശേഷം 2022 ല്‍ 'ഒരുത്തീ' എന്ന ചിത്രത്തിലൂടെ മലയാളത്തില്‍ തിരിച്ചെത്തിയിരുന്നു.അനീഷ് ഉപാസന സംവിധാനം ചെയ്ത 'ജാനകി ജാനെ'യാണ് താരത്തിന്റെതായി ഒടുവില്‍ പ്രദര്‍ശനത്തിന് എത്തിയത്.

മമ്മൂട്ടി നായകനായി എത്തിയ 'പുഴു' എന്ന ചിത്രത്തിനുശേഷം സംവിധായിക റത്തീന ഒരുക്കുന്ന പുത്തന്‍ സിനിമ പ്രഖ്യാപിച്ചു.'പാതിരാത്രി'എന്ന് പേരിട്ടിരിക്കുന്ന ചിത്രത്തില്‍ നവ്യ നായരും സൗബിനും പ്രധാന കഥാപാത്രങ്ങളെ അവതരിപ്പിക്കുന്നു.ഒരു രാത്രിയില്‍ രണ്ടു പോലീസുകാര്‍ ഉള്‍പ്പെടുന്ന സംഭവവികാസങ്ങളാണ് സിനിമ പറയുന്നത്.