ഇന്നും മിനി സ്‌ക്രീനില്‍ നിറഞ്ഞുനില്‍ക്കുന്ന ചിത്രമാണ് സന്ദേശം. ജയറാമിന്റെയും ശ്രീനിവാസിന്റെയും സഹോദരനായി സിനിമയില്‍ അഭിനയിച്ച ആ പയ്യനെ ആരും മറന്നുകാണില്ല.രാഹുല്‍ ലക്ഷ്മണ്‍ എന്നാണ് നടന്റെ പേര്. വര്‍ഷങ്ങള്‍ പലതു കഴിഞ്ഞപ്പോള്‍ വീണ്ടും അഭിനയ ലോകത്തേക്ക് തിരിച്ചെത്താനുള്ള ശ്രമത്തിലാണ് അദ്ദേഹം. 32 വര്‍ഷങ്ങള്‍ക്കുശേഷം വീണ്ടും ക്യാമറയ്ക്ക് മുന്നില്‍ എത്തുകയാണ് സന്ദേശം നടന്‍.
അറിയപ്പെടുന്ന ഡോക്ടര്‍ കൂടിയാണ് രാഹുല്‍ ലക്ഷ്മണ്‍.SN സ്വാമി സംവിധാനം ചെയ്യുന്ന ചിത്രത്തില്‍ നടനും അഭിനയിക്കുന്നുണ്ട്.സത്യന്‍ അന്തിക്കാടിന്റെ സംവിധാനത്തില്‍ 1991ലാണ് ചിത്രം പ്രദര്‍ശനത്തിന് എത്തിയത്. രാഹുലിന് ആശംസകളുമായി നിര്‍മ്മാതാവ് എന്‍ എം ബാദുഷ.
'എന്റെ കൂടെ നില്‍ക്കുന്ന ആളെ മനസിലായോ മറ്റാരുമല്ല സത്യന്‍ അന്തിക്കാട് സംവിധാനം ചെയ്ത മലയാള സിനിമയിലെ എക്കാലത്തേയും മികച്ച ആക്ഷേപഹാസ്യചിത്രം ' സന്ദേശം'
എന്ന സിനിമയില്‍ ജയറാമേട്ടന്റെയും ശ്രീനിയേട്ടന്റെയും അനിയനായി അഭിനയിച്ച രാഹുല്‍ ലക്ഷ്മണ്‍ ഇദ്ദേഹം ഇപ്പോള്‍ അറിയപ്പെടുന്ന ഒരു ഡോക്ടറാണ്, കഴിഞ്ഞ 32 വര്‍ഷത്തിന് ശേഷം വീണ്ടും ക്യാമറക്ക് മുന്നില്‍ എത്തുന്നു SN സ്വാമി സംവിധാനം ചെയ്യുന്ന ചിത്രത്തിലൂടെ. ഇനിയും അദ്ധേഹത്തിന് ഒരുപാട് നല്ല കഥാപാത്രങ്ങള്‍ ചെയ്യുവാന്‍ സാധിക്കട്ടെ എന്ന് ആശംസിക്കുന്നു'-എന്‍ എം ബാദുഷ കുറിച്ചു.
