ദുല്‍ഖറിന്റെ ജീവിതത്തിലേക്ക് അമാല്‍ സൂഫിയ എത്തിയത് ഇങ്ങനെയെന്ന് അറിയാമോ ?നടന്‍ ഇരുവരുടെയും പ്രണയകഥ തുറന്നു പറഞ്ഞു.
അമാല്‍ സൂഫിയയും ദുല്‍ഖര്‍ സല്‍മാനും ഒരേ സ്‌കൂളിലാണ് പഠിച്ചത്. നടന്‍ 12-ാം ക്ലാസില്‍ പഠിക്കുമ്പോള്‍ അമാല്‍ ഏഴാം ക്ലാസിലായിരുന്നു. എന്നാല്‍ ആ സമയത്ത് താന്‍ അവളെ പ്രണയിച്ചിട്ടില്ലെന്ന് ദുല്‍ഖര്‍ പറഞ്ഞു.
വര്‍ഷങ്ങള്‍ക്കുശേഷം ദുല്‍ഖറിന്റെ വീട്ടില്‍ അറേഞ്ച്ഡ് മാരേജിനുളള തയ്യാറെടുപ്പുകള്‍ തുടങ്ങി.അമാലിന്റെ പേരും അക്കൂട്ടത്തില്‍ വന്നു. എന്നാല്‍ അത്രയ്‌ക്കൊന്നും അടുപ്പമില്ലാത്ത ഒരാളെ സ്വീകരിക്കാനോ വേണ്ടെന്നു വയ്ക്കാനോ ആവാതെ നടന്റെ മനസ്സ് ആശയക്കുഴപ്പത്തിലായി. ആ സമയത്ത് യാദൃശ്ചികമായി ചെന്നൈയില്‍ വെച്ച് അമാലിനെ കാണാന്‍ ഇടയായി. പീന്നീട് പോകുന്ന സ്ഥലങ്ങളിലെല്ലാം പലപ്പോഴായി അമാലിനെ കണ്ടിരുന്നുവെന്ന് ദുല്‍ഖര്‍ തന്നെ പറഞ്ഞു. പിന്നെ ഇരുവരുടെയും
മാതാപിതാക്കളുടെയും അറിവോടെ,
ഇരുവരും വിവാഹിതരാകാന്‍ തീരുമാനിക്കുകയായിരുന്നു.
2011 ഡിസംബര്‍ 22-നായിരുന്നു ദുല്‍ഖറും അമാല്‍ സൂഫിയയും വിവാഹിതരാവുന്നത്. ചെന്നൈ സ്വദേശിയായ അമാല്‍ ആര്‍ക്കിടെക്റ്റ് ആണ്. വിവാഹശേഷമാണ് ദുല്‍ഖര്‍ സിനിമയിലെത്തിയത്.2017 മേയ് അഞ്ചിന് ഇരുവര്‍ക്കും ഒരു പെണ്‍കുഞ്ഞ് പിറന്നു. മറിയം അമീറ സല്‍മാന്‍ എന്നാണ് കുഞ്ഞിന്റേ പേര്.
