മലയാള സിനിമ ചരിത്രത്തിൽ ഇതാദ്യമായി സംഭാഷണമില്ലാതെ ഒരു സസ്പെൻസ് ത്രില്ലർ വരുന്നു. 'നീലരാത്രി'എന്ന ചിത്രം ഡിസംബർ 27ന് പ്രദർശനത്തിന് എത്തും. ദിലീപ്, സുരാജ് വെഞ്ഞാറമൂട് എന്നിവർ അഭിനയിച്ച സവാരി എന്ന സിനിമയ്ക്ക് ശേഷം അശോക് നായർ കഥയെഴുതി സംവിധാനം ചെയ്യുന്ന സിനിമ കൂടിയാണിത്.
ഭഗത് മാനുവൽ, ഹിമ ശങ്കരി, വൈഗ, വിനോദ് കുമാർ, സുമേഷ് സുരേന്ദ്രൻ, ബേബി വേദിക തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.എസ് ബി പ്രജിത് ഛായാഗ്രാഹണം നിർവഹിക്കുന്നു.
ഡബ്ലിയു.ജെ പ്രൊഡക്ഷൻസിന്റെ ബാനറിൽ ജോബി മാത്യു ആണ് സിനിമ നിർമ്മിച്ചിരിക്കുന്നത്.
