നെല്‍സണ്‍ ദിലീപ്കുമാര്‍ സംവിധാനം ചെയ്ത 'ജയിലര്‍' വിജയ കുതിപ്പ് തുടരുന്നു. രണ്ടാമത്തെ ആഴ്ചയിലേക്ക് പ്രദര്‍ശനം നീണ്ട സന്തോഷത്തിലാണ് നിര്‍മാതാക്കള്‍. പ്രവര്‍ത്തി ദിനങ്ങളില്‍ പോലും തിയറ്ററുകളില്‍ ആളുകള്‍ നിറയുന്ന കാഴ്ചയാണ് ആദ്യവാരത്തില്‍ കണ്ടത്. കുടുംബത്തോടെ മലയാളി പ്രേക്ഷകരും ബിഗ് സ്‌ക്രീനില്‍ രജനിയുടെ ജയിലര്‍ കണ്ടു.ആദ്യ ആഴ്ച അവസാനിക്കുമ്പോള്‍ 400 കോടിക്ക് മുകളില്‍ കളക്ഷന്‍ നേടാന്‍ സിനിമയ്ക്കായി എന്നാണ് റിപ്പോര്‍ട്ടുകള്‍.
രജനിയുടെ കരിയറിലെ തന്നെ ഏറ്റവും വലിയ വിജയ ചിത്രമായി ജയിലര്‍ മാറുമോ എന്നതാണ് ഇനി കണ്ടറിയേണ്ടത്.
മോഹന്‍ലാലിനൊപ്പം ഒരു മുഴുനീള ചിത്രം ചെയ്യണമെന്ന് ആഗ്രഹം തുറന്നുപറഞ്ഞ് സംവിധായകന്‍ നെല്‍സണ്‍. ജയിലര്‍ റിലീസിന് ശേഷം നല്‍കിയ അഭിമുഖത്തിനിടെയാണ് അദ്ദേഹം ഇക്കാര്യത്തെക്കുറിച്ച് പറഞ്ഞത്.
റാപ്പിഡ് ഫയര്‍ ചോദ്യങ്ങള്‍ സംവിധായകന്റെ മുന്നിലേക്ക് വെച്ചപ്പോള്‍ മറിച്ചൊന്ന് ആലോചിക്കാതെ പെട്ടെന്ന് തന്നെ മറുപടി നല്‍കാന്‍ അദ്ദേഹത്തിനായി. ആദ്യം മോഹന്‍ലാലിന്റെ പേരാണ് പറഞ്ഞത്.അദ്ദേഹത്തോട് പറയാനുള്ളതൊക്കെ പറഞ്ഞിട്ടുണ്ടെന്നായിരുന്നു നെല്‍സണ്‍ മറുപടി നല്‍കി. അടുത്ത സെക്കന്‍ഡ് തന്നെ താന്‍ ഒരു കാര്യം കൂടി പറഞ്ഞോട്ടെ എന്ന് അനുവാദം വാങ്ങിക്കൊണ്ട് സംവിധായകന്‍ പറഞ്ഞത് ഇങ്ങനെ- 'ഫുള്‍ ഫ്‌ലഡ്ജ്ഡ് ആയി അദ്ദേഹത്തെ വച്ച് ഒരു സിനിമ ചെയ്യണമെന്ന് ആ?ഗ്രഹം', നെല്‍സണ്‍ പറഞ്ഞു.
