കോമഡി വേഷങ്ങളില്‍ നിന്ന് സീരിയസ് വേഷങ്ങളിലേക്കു കടന്ന് തിരക്കേറിയ നടന്മാരില്‍ ഒരാളാണ് കലാഭവൻ ഷാജോൺ. ജീത്തു ജോസഫ് സംവിധാനം ചെയ്ത ദ്രശ്യത്തിലൂടെയാണ് ഷാജോണിന് മികച്ച വേഷങ്ങൾ ലഭിച്ചു തുടങ്ങിയത്. നാളെ തിയേറ്ററുകളിലെത്തുന്ന ശങ്കറിന്റെ ബിഗ് ബജറ്റ് ചിത്രമായ 2.0 ലും ഷാജോണ്‍ വേഷമിടുന്നുണ്ട്. മനോരമ ന്യൂസിന്റെ പുലര്‍വേളയിലാണ് ഷാജോണ്‍ ഇക്കാര്യം പറഞ്ഞത്.
‘ചിത്രത്തിനായി യന്തിരൻ 2വിന്റെ ആൾക്കാർ വിളിച്ചു. ഷൂട്ടിങ്ങ് ഡെയ്റ്റ് കേട്ടപ്പോള്‍ ഞാന്‍ തകര്‍ന്നു പോയി. അമേരിക്കയില്‍ ഒരു ഷോയുടെ സമയത്തായിരുന്നു ഷൂട്ടിങ്ങ്. അമേരിക്കയില്‍ ഷോയ്ക്ക് പോകണം, എനിക്ക് പറ്റുന്ന ഒരു സീനെങ്കിലും ഉണ്ടെങ്കില്‍ ശങ്കര്‍ സാറിനോട് പറയാമോ, എനിക്ക് അത്രയധികം താല്‍പര്യമുണ്ടെന്ന് അറിയിച്ചു. അറിയിക്കാം എന്ന് മറുപടി നല്‍കിയ ശേഷം പിന്നീട് വിളിയൊന്നും വന്നില്ല. റോള്‍ കൈവിട്ട് പോയി എന്ന് കരുതിയതാണ്. പക്ഷെ അവര്‍ തിരികെ വിളിച്ചു. എനിക്ക് വേണ്ടി അക്ഷയ്കുമാര്‍ സാറിന്റെ ഷെഡ്യൂള്‍ വരെ മാറ്റേണ്ടി വന്നു’ ഷാജോണ്‍ പറഞ്ഞു.
