അന്ന് പാര്‍വതിയെ വിവാഹം ചെയ്യാന്‍ അവസരം ലഭിച്ചു, പക്ഷേ ഭാര്യ സമ്മതിച്ചില്ല; ദിനേശ് പണിക്കര്‍ തുറന്നു പറയുന്നു
അന്ന് പാര്‍വതിയെ വിവാഹം കഴിക്കാമായിരുന്നു; വെളിപ്പെടുത്തലുമായി ദിനേശ് പണിക്കര്‍
മലയാളികള്‍ക്ക് എക്കാലത്തും പ്രിയപ്പെട്ട നടിയാണ് പാര്‍വതി. ഒരുകാലത്ത് എല്ലാ യുവാക്കളുടെയും നായിക സങ്കല്‍പമായിരുന്നു പാര്‍വതി. എന്നാല്‍ നടന്‍ ജയറാമിനെ വിവാഹം കഴിച്ചതോടെ സിനിമയില്‍ നിന്നും പാര്‍വതി വീട്ടമ്മയുടെ റോളിലേക്ക് ഒതുങ്ങുകയായിരുന്നു. മലയാള സിനിമയുടെ പ്രിയ നായികയായി പാര്‍വതി നിറഞ്ഞു നിന്ന സമയത്ത് തനിക്കുണ്ടായ ഒരു അനുഭവം തുറന്നു പറയുകയാണ് നടനും നിര്‍മാതാവുമായ ദിനേശ് പണിക്കര്‍.
1989ല്‍ പുറത്തിറങ്ങിയ മോഹന്‍ലാല്‍ ചിത്രമായ കിരീടം നിര്‍മ്മിച്ചത് ദിനേശ് പണിക്കരായിരുന്നു. അതില്‍ ചെറിയൊരു വേഷത്തില്‍ അഭിനയിക്കാനും സംവിധായകന്‍ ദിനേശിനോട് ആവശ്യപ്പെട്ടു.മോഹന്‍ ലാലിനെ പ്രണയിച്ച് ഒടുവില്‍ പാര്‍വതിയെ മറ്റൊരാള്‍ വിവാഹം കഴിക്കുന്നു. കണ്ണീര്‍ പൂവിന്റെ കവിളില്‍ തലോടി. എന്ന ഗാനരംഗത്തില്‍ വിവാഹം കഴിച്ച് ഭാര്യയായ പാര്‍വതിയുടെ കൈ പിടിച്ച് നടന്നു നീങ്ങുന്ന രംഗമായിരുന്നു അത്.
എന്നാല്‍ തന്റെ ഭാര്യയ്ക്ക് അത് ശരിക്കുമൊരു ഷോക്കായിരുന്നു. ആ സീന്‍ അഭിനയിക്കാന്‍ ഭാര്യ തന്നെ അനുവദിച്ചില്ല. ഭാര്യ സമ്മതിക്കാത്തതുകൊണ്ട് ആ രംഗത്ത് അഭിനയിക്കാന്‍ വേറെ താരത്തെ കണ്ടെത്തുകയായിരുന്നെന്നും ദിനേശ് പറഞ്ഞു. തനിക്ക് അഭിനയിക്കാന്‍ അറിയില്ലെന്നായിരുന്നു താന്‍ സ്വയം കരുതിയിരുന്നത്. പിന്നെ അന്നത്തെ അവസരം നഷ്ടപ്പെട്ടതില്‍ ഖേദമില്ലെന്നും അതൊരു ചെറിയ വേഷമായിരുന്നുവെന്നും ദിനേശ് പണിക്കര്‍ വ്യക്തമാക്കി.
