യാത്രകളെ ഏറെ ഇഷ്ടപ്പെടുന്ന ആളാണ് നവ്യ നായര്‍. വേനല്‍ അവധിക്കാലം ആഘോഷിക്കാനായി മകന്‍ സായിയുടെ കൂടെ ബാലിയിലേക്ക് നടി യാത്ര പോയിരുന്നു. ഈ യാത്രയില്‍ പകര്‍ത്തിയ ചിത്രങ്ങളാണ് താരം ഇപ്പോള്‍ പങ്കുവെച്ചിരിക്കുന്നത്. മകന്റെ മോഡലായി ക്യാമറയ്ക്ക് മുന്നില്‍ നില്‍ക്കുന്ന നവ്യയുടെ ചിത്രങ്ങള്‍ കാണാം.
ഒരു കുട്ടിയുടെ അമ്മയാണെങ്കിലും നവ്യ ഇപ്പോഴും ചെറുപ്പമാണെന്നാണ് ആരാധകര്‍ ചിത്രങ്ങള്‍ കണ്ട ശേഷം പറയുന്നത്. കോളേജ് കുട്ടിയെ പോലെ തോന്നുന്നു എന്നൊക്കെ കമന്റുകള്‍ വന്നിട്ടുണ്ട്. ഫോട്ടോഗ്രാഫര്‍ ആരാണെന്ന് പറയുന്നില്ലെങ്കിലും മകന്‍ തന്നെയാകും നടിയുടെ ചിത്രങ്ങള്‍ പകര്‍ത്തിയിരിക്കുന്നത്.
വിവാഹശേഷം പിന്നെ നടിയെ സിനിമയില്‍ കണ്ടിരുന്നില്ല. വീട്ടമ്മയായി വീട്ടില്‍ തന്നെ ഒതുങ്ങിക്കൂടാന്‍ നവ്യക്ക് ഇഷ്ടവുമല്ല. ഏറെ കാലത്തിനുശേഷം 2022 ല്‍ 'ഒരുത്തീ' എന്ന ചിത്രത്തിലൂടെ മലയാളത്തില്‍ തിരിച്ചെത്തിയിരുന്നു.അനീഷ് ഉപാസന സംവിധാനം ചെയ്ത 'ജാനകി ജാനെ'യാണ് താരത്തിന്റെതായി ഒടുവില്‍ പ്രദര്‍ശനത്തിന് എത്തിയത്.
സാമൂഹ്യ മാധ്യമങ്ങളിലും ടെലിവിഷന്‍ പ്രോഗ്രാമുകളിലും നവ്യ ഇപ്പോള്‍ സജീവമാണ്.
