മമ്മൂക്ക എന്ന സ്നേഹസമ്പന്നനെ കൂടെ കൂട്ടുവാൻ എന്നും മലയാളിയുണ്ട്: മധുപാൽ

അങ്കിളിനെ വാനോളം പുകഴ്ത്തി സംവിധായകൻ

ജോയ് മാത്യു തിരക്കഥയെഴുതി ഗിരീഷ് ദാമോദർ സംവിധാനം ചെയ്ത ‘അങ്കിൾ’ എന്ന ചിത്രം മികച്ച പ്രതികരണവുമായി മുന്നേറുകയാണ്. ഇപ്പോഴിതാ, സംവിധായകനും നടനുമായ മധുപാൽ അങ്കിളിനെ പ്രശംസിച്ച് രംഗത്തെത്തിയിരിക്കുന്നു. 

മധുപാലിന്റെ വാക്കുകൾ:

അങ്കിൾ കണ്ടു. മലയാളി സ്വഭാവത്തെ മനസ്സിലാക്കിയ ചിത്രം ജോയ് മാത്യുവിന് അഭിനന്ദനം. ഈ ചലച്ചിത്രത്തെ ജനം എതിർത്താൽ സിനിമയിൽ നിന്നും പിൻ വാങ്ങുമെന്ന് അദ്ദേഹം പറഞ്ഞതായി ഒരു വാർത്ത കേട്ടിരുന്നു. മനുഷ്യനെ മനസ്സിലാക്കുന്ന ഒരെഴുത്തുകാരനെ എന്നും ആവശ്യമുണ്ട് സിനിമയ്ക്ക്. ആ എഴുത്തുകാരനോടൊപ്പമുണ്ടാകും. മുത്തുമണി എന്ന അഭിനേത്രിയെ മലയാള സിനിമ പ്രേക്ഷകർ കൈയ്യടിച്ച് വരവേൽക്കുന്നു. മമ്മുക്ക എന്ന സ്നേഹസമ്പന്നനെ കുടെ കൂട്ടുവാൻ എന്നും മലയാളിയുണ്ട്. ഈ ചലച്ചിത്രത്തിന്റെ പിന്നണിയിലും മുന്നണിയിലും നിറഞ്ഞു നിന്നവർക്ക് അഭിനന്ദനം അളഗു .... കാഴ്ചകൾക്ക് നന്ദി. ബിഗ് സ്ക്രീനിൽ വിസ്മയമാകുന്നു.