മലയാള സിനിമയില്‍ ഒട്ടേറെ സൂപ്പര്‍ഹിറ്റുകള്‍ സ്വന്തം പേരിലുള്ള നടിയുടെ ബാല്യകാല ചിത്രമാണിത്. സൂപ്പര്‍ഹിറ്റുകള്‍ക്ക് അപ്പുറം ശക്തമായ കഥാപാത്രങ്ങളിലൂടെ മലയാളികളുടെ കൈയടി നേടിയ മികച്ച അഭിനേത്രി കൂടിയാണ്. മറ്റാരുമല്ല, നടി പാര്‍വതി തിരുവോത്താണിത്.
അഭിനേത്രി എന്ന നിലയില്‍ മാത്രമല്ല സമകാലിക വിഷയങ്ങളില്‍ ഉറച്ച നിലപാടുകള്‍ പ്രഖ്യാപിക്കുന്ന വ്യക്തി എന്ന നിലയിലും പാര്‍വതി ശ്രദ്ധേയയാണ്.
2006 ല്‍ പുറത്തിറങ്ങിയ നോട്ട്ബുക്കിലൂടെയാണ് പാര്‍വതി ശ്രദ്ധിക്കപ്പെടുന്നത്. ധനുഷിനൊപ്പം അഭിനയിച്ച മരിയാന്‍ മികച്ച പ്രേക്ഷക പ്രശംസ നേടിയിരുന്നു. പിന്നീട് മലയാളത്തില്‍ പാര്‍വതിയുടെ ഒരുപിടി നല്ല സിനിമകള്‍ പുറത്തിറങ്ങി. എന്ന് നിന്റെ മൊയ്തീന്‍, ബാംഗ്ലൂര്‍ ഡെയ്‌സ്, ചാര്‍ലി, ടേക്ക് ഓഫ്, ഉയരെ തുടങ്ങിയ സിനിമകളിലെല്ലാം ഗംഭീര പ്രകടനമായിരുന്നു പാര്‍വതിയുടേത്.
