മമ്മൂട്ടിയെ ചേർത്തുപിടിച്ച് കുടുംബ പ്രേക്ഷകർ, കളക്ഷനിലും അങ്കിൾ കുതിക്കുന്നു!

അങ്കിൾ മുന്നേറുന്നു

ഒന്നിനൊന്ന് വ്യത്യസ്തമായ ചിത്രങ്ങളും കഥാപാത്രങ്ങളുമായി സിനിമയിൽ നിറഞ്ഞുനിൽക്കുകയാണ് മമ്മൂട്ടി. ഏപ്രില്‍ 27നു തിയേറ്ററുകളിൽ എത്തിയ അങ്കിള്‍ അതിനെല്ലാം ഉദാഹരണമാണ്. മമ്മൂട്ടിയെ കുടുംബ പ്രേക്ഷകർ ഇപ്പോഴും നെഞ്ചിലേറ്റുന്നുവെന്നതിന്റെ തെളിവാണ് അങ്കിളിന് ലഭിക്കുന്ന പിന്തുണ.  

ജോയ് മാത്യുവിന്റെ തിരക്കഥയിൽ ഗിരീഷ് ദാമോദർ ആണ് അങ്കിൾ സംവിധാനം ചെയ്തിരിക്കുന്നത്. ചിത്രത്തിലെ മമ്മൂട്ടിയുടെ കെ കെ എന്ന കഥാപാത്രം വളരെ മികച്ച് നിന്നു. ആദ്യ പ്രദര്‍ശനം മുതല്‍ത്തന്നെ സിനിമയ്ക്ക് മികച്ച പ്രതികരണമായിരുന്നു ലഭിച്ചത്. സിനിമ വിജയകരമായി പ്രദര്‍ശനം തുടരുകയാണ്. 

ചിത്രം മൂന്നാം വാരത്തിലേക്ക് കടക്കുകയാണ്. വാരാന്ത്യത്തില്‍ മികച്ച പ്രകടനം ഹോളിവുഡ് സിനിമയായ അവഞ്ചേഴ്‌സ് ഇന്‍ഫിനിറ്റി കുതിപ്പ് തുടരുമ്പോള്‍ ഒപ്പം പിടിച്ചുനില്‍ക്കാന്‍ അങ്കിളിന് കഴിയുന്നുണ്ടെന്നുള്ള റിപ്പോര്‍ട്ടുകളാണ് പുറത്തുവന്നിട്ടുള്ളത്. കൊച്ചി മള്‍ട്ടിപ്ലക്‌സില്‍ 12 ഷോയാണ് വാരാന്ത്യത്തില്‍ ഉണ്ടായിരുന്നത്. ആദ്യ ആഴ്ചയിലെ പതിവ് അതേ പോലെ ആവര്‍ത്തിക്കുകയായിരുന്നു രണ്ടാം വാരത്തിലും.