മണിരത്നത്തിന്റെ സ്വപ്ന പദ്ധതിയായ 'പൊന്നിയിന്‍ സെല്‍വന്‍' ഒരുങ്ങുകയാണ്. നിലവില്‍ 70 ശതമാനത്തോളം ചിത്രീകരണം പൂര്‍ത്തിയായി. മാര്‍ച്ച് മാസത്തില്‍ ഒരു ഷെഡ്യൂള്‍ പൂര്‍ത്തിയാക്കി അടുത്ത മെയില്‍ തുടങ്ങാന്‍ ആയിരുന്നു അണിയറ പ്രവര്‍ത്തകര്‍ പദ്ധതിയിട്ടിരുന്നത്. എന്നാല്‍ പുതിയ ഷെഡ്യൂള്‍ ജൂണിലേക്ക് മാറ്റിയെന്ന് റിപ്പോര്‍ട്ടുകള്‍.
കോവിഡ് കേസുകള്‍ ഉയര്‍ന്നുവരുന്ന സാഹചര്യം കണക്കിലെടുത്താണ് പുതിയ തീരുമാനമെടുത്തത്.നോര്‍ത്ത് ഇന്ത്യയില്‍ ചില ഭാഗങ്ങള്‍ ചിത്രീകരിക്കാന്‍ തീരുമാനിച്ചെങ്കിലും നിലവിലെ സാഹചര്യം കണക്കിലെടുത്ത് ചെന്നൈയിലും ഹൈദരാബാദുമായി ഷൂട്ടിംഗ് പൂര്‍ത്തിയാക്കാനാണ് പുതിയ തീരുമാനം.
അടുത്ത ഷെഡ്യൂളിനുള്ള ഒരുക്കങ്ങള്‍ പുരോഗമിക്കുകയാണ്, ഹൈദരാബാദിലെ റാമോജി റാവു ഫിലിം സിറ്റിയില്‍ ടീം ഒരു വലിയ സെറ്റ് നിര്‍മ്മിക്കുന്നുണ്ട്.
ഹൈദരാബാദിലേക്ക് പോകുന്നതിനുമുമ്പ് മണിരത്നം ചെന്നൈയില്‍ ചില ഭാഗങ്ങള്‍ ചിത്രീകരിക്കും.വിക്രം, കാര്‍ത്തി, ജയം രവി, ഐശ്വര്യ റായ് ബച്ചന്‍, തൃഷ, ഐശ്വര്യ ലക്ഷ്മി, വിക്രം പ്രഭു തുടങ്ങി വണ്‍ താരനിര ചിത്രത്തില്‍ അണിനിരക്കുന്നു.
