വീട്ടിലെ ഒരു അംഗത്തെ പോലെയാണ് നടിയും അവതാരകയുമായ മീനാക്ഷി അനൂപിനെ മലയാളികള്‍ നോക്കിക്കാണുന്നത്. 2014ല്‍ പുറത്തിറങ്ങിയ വണ്‍ ബൈ ടു എന്ന ചിത്രത്തിലൂടെയാണ് മീനാക്ഷി അഭിനയ ജീവിതം തുടങ്ങിയത്. നടന്‍ ഇന്ദ്രന്‍സിനൊപ്പം അഭിനയിക്കാനായ സന്തോഷത്തിലാണ് നടി.
ഇന്ദ്രന്‍സും മീനാക്ഷിയും പ്രധാന വേഷങ്ങളില്‍ എത്തിയ ചിത്രമാണ് പ്രൈവറ്റ്. നവാഗതനായ ദീപക് സംവിധാനം ചെയ്യുന്ന സിനിമയില്‍ ഫാം ജീവനക്കാരനായി ഇന്ദ്രന്‍സ് വേഷമിടുന്നു. മലപ്പുറത്തുനിന്ന് ഒരു പെണ്‍കുട്ടി ഒളിച്ചോടി പോകുന്നതും തുടര്‍ന്നുണ്ടാകുന്ന സംഭവങ്ങളുമാണ് സിനിമ പറയുന്നത്.
റോഡ് മൂവിയായാണ്. കമ്പം, തേനി, പൊള്ളാച്ചി തുടങ്ങിയവിടങ്ങളാണ് പ്രധാന ലൊക്കേഷനുകള്‍.
