ദാസപ്പോ എന്നെ ശരിക്കൊന്ന് ശ്രദ്ധിച്ചേ എന്റെ പെരുമാറ്റത്തില് എന്തെങ്കിലും പന്തികേടൊണ്ടോന്ന് ഒന്ന് നോക്കിക്കേ... മലയാളികള്‍ ഇത്രത്തോളം ഏറ്റെടുത്ത ഒരു സിനിമ ഡയലോഗ് വേറെ ഉണ്ടാകില്ല. ഇപ്പോഴിതാ ഇതിനെ ഓര്‍മ്മിപ്പിക്കും വിധം തന്റെ വിവിധ മുഖഭാവങ്ങള്‍ അടങ്ങിയ സെല്‍ഫി ചിത്രങ്ങള്‍ പങ്കുവെച്ചിരിക്കുകയാണ് നടി മിയ. 'കുറച്ചു സെല്‍ഫീസ് ഒരുമിച്ച് ഇട്ടാല്‍ കുഴപ്പമുണ്ടോ ?ഇല്ലല്ലോ അല്ലേ';- എന്നാണ് മിയ ആരാധകരോട് ചോദിക്കുന്നത്.
സോണി ലിവ് ഇന്ത്യ നിര്‍മ്മിച്ച ശ്രീകാന്ത് മോഹന്‍ സംവിധാനം ചെയ്ത'ജയ് മഹേന്ദ്രന്‍' എന്ന വെബ് സീരീസ് ചിത്രീകരണ തിരക്കിലായിരുന്നു മിയ.സൈജു കുറുപ്പ് ആണ് ടൈറ്റില്‍ റോളില്‍ എത്തുന്നത്.
ഒരു ഇടവേളക്ക് ശേഷം ആസിഫ് അലിയും ബിജു മേനോനും തുല്യപ്രാധാന്യമുള്ള വേഷങ്ങളില്‍ എത്തുന്ന ജിസ് ജോയ് ചിത്രത്തിന്റെ ചിത്രീകരണം ഈയടുത്താണ് പൂര്‍ത്തിയായത്. സിനിമയില്‍ പ്രധാന കഥാപാത്രത്തെ മിയ ജോര്‍ജും അവതരിപ്പിക്കുന്നുണ്ട്.അര്‍ജുന്‍ അശോകും അനശ്വര രാജനും
വീണ്ടും ഒന്നിച്ച 'പ്രണയ വിലാസം' എന്ന ചിത്രമാണ് നടിയുടെ ഒടുവില്‍ റിലീസ് ആയത്.
