ഇനി 'അമ്മ'യെ ഇവർ നയിക്കും, പുതിയ സാരഥികൾ ഇവരാണ്; മമ്മൂട്ടി ജനറൽ സെക്രട്ടറി സ്ഥാനം വേണ്ടെന്ന് വച്ചു!
ഇനി 'അമ്മ'യെ ഇവർ നയിക്കും, പുതിയ സാരഥികൾ ഇവരാണ്!
താരസംഘടനയായ അമ്മയുടെ മറ്റൊരു എക്‌സിക്യുട്ടിവ് യോഗം നടന്നുകൊണ്ടിരിക്കുകയാണ്. പഴയ ഭാരവാഹികൾക്ക് പകരം സംഘടനയിൽ പുതിയ ഭാരവാഹികൾ ചുമതല ഏൽക്കുകയാണ്. ഇന്നസെന്റ് പതിനേഴ് വർഷത്തെ പ്രസിഡന്റ് സ്ഥാനം രാജിവെച്ചപ്പോൾ മോഹൻലാൽ പുതിയ പ്രസിഡന്റായി സ്ഥാനം ഏറ്റിരിക്കുകയാണ്. കഴിഞ്ഞ വർഷം അമ്മയുടെ ജനറൽ സെക്രട്ടറി മമ്മൂട്ടി ആയിരുന്നു.
എക്‌സിക്യുട്ടീവ് അംഗങ്ങളിലും മാറ്റം വന്നിരിക്കുന്നു. ദിലീപിന്റെ വരവിനെക്കുറിച്ച് കാര്യമായ ചർച്ചകൾ ഒന്നും തന്നെ ഉണ്ടായില്ല. മോഹന്‍ലാല്‍ പ്രസിഡന്റ് സ്ഥാനത്തേക്ക് വന്നപ്പോൾ സെക്രട്ടറിയായി സിദ്ദിഖ് ചുമതലയേറ്റു. മറ്റ് ഭാരവാഹികൾ: വൈസ് സെക്രട്ടറി- മുകേഷ്, ഗണേശ് കുമാര്‍ ജനറല്‍ സെക്രട്ടറി- ഇടവേള ബാബു ട്രഷറർ- ജഗദീഷ്.
എക്‌സീക്യൂട്ടിവ് അംഗങ്ങളായി ഇന്ദ്രന്‍സ്, ബാബുരാജ്, ആസിഫ് അലി, ഹണി റോസ്, അജു വര്‍ഗീസ്, ജയസൂര്യ, രചന നാരയണന്‍കുട്ടി, ശ്വേത മേനോൻ, മുത്തുമണി, സുധീര്‍ കരമന, ടിനി ടോം, ഉണ്ണി ശിവപാൽ എന്നിവരും ചുമതലയേറ്റു. 460 അംഗങ്ങളുള്ള അമ്മയെ 2018 മുതല്‍ 2021 വരെ നയിക്കുന്നത് ഇവരായിരിക്കും.
