'പത്താം വളവ്'റിലീസിനൊരുങ്ങുന്നു,ആദ്യ ലിറിക്കല്‍ വീഡിയോ ഏപ്രില്‍ 1 ന്

സുരാജും-ഇന്ദ്രജിത്തും ഒന്നിക്കുന്ന ത്രില്ലര്‍ പത്താം വളവ് റിലീസിന് ഒരുങ്ങുകയാണ്.വര്‍ഷങ്ങള്‍ക്കു മുമ്പ് കേരളത്തില്‍ നടന്ന ഒരു യഥാര്‍ത്ഥ സംഭവത്തെ ആസ്പദമാക്കിയാണ് സിനിമ നിര്‍മ്മിച്ചിരിക്കുന്നത്.എം പത്മകുമാര്‍ സംവിധാനം ചെയ്യുന്ന ചിത്രം മെയ് 13ന് റിലീസ് ചെയ്യും.

ചിത്രത്തിലെ ആദ്യ ലിറിക്കല്‍ വീഡിയോ ഗാനം ഏപ്രില്‍ 1 ന് വൈകുന്നേരം 6 മണിക്ക് പുറത്തിറങ്ങും. ഏലമലകാടിനുള്ളില്‍ എന്ന തുടങ്ങുന്ന പാട്ട് ആണെന്നും എം പത്മകുമാര്‍ പറഞ്ഞു.

അദിതി രവി, സ്വാസിക, അനീഷ് ജി മേനോന്‍ , സോഹന്‍ സീനുലാല്‍ , രാജേഷ് ശര്‍മ്മ , ജാഫര്‍ ഇടുക്കി , നിസ്താര്‍ അഹമ്മദ് , ഷാജു ശ്രീധര്‍ , ബോബന്‍ സാമുവല്‍ , ബേബി കിയാറ റിങ്കു ടോമി എന്നിവരാണ് മറ്റു പ്രധാനവേഷങ്ങളില്‍ എത്തുന്നത്.രഞ്ജിന്‍ രാജ് സംഗീതം.രതീഷ് റാം ഛായാഗ്രഹണം.