മമ്മൂട്ടിയുടെ കരിയറിലെ ഏറ്റവും തിളക്കമാര്‍ന്ന വിജയം സ്വന്തമാക്കിയിരിക്കുകയാണ് തമിഴ് ചിത്രം പേരന്പ്. ചിത്രം ഇതുവരെ 30 കോടി രൂപയാണ് ആഗോള കളക്ഷന്‍ നേടിയിരിക്കുന്നതെന്നാണ് വിവരം. റാം സംവിധാനം ചെയ്ത ഈ ഇമോഷണല്‍ ഡ്രാമ നിരൂപക പ്രശംസയും തിയേറ്റര്‍ കളക്ഷനും ഒരുപോലെ സ്വന്തമാക്കി.
ലോകമെമ്പാടുമുള്ള ചലച്ചിത്രമേളകളില്‍ മികച്ച പ്രകടനം കാഴ്ചവച്ച ശേഷമാണ് പേരന്പ് റിലീസ് ചെയ്തത്. അതുകൊണ്ടുതന്നെ വലിയ ജനശ്രദ്ധ ഈ ചിത്രത്തിണ് ലഭിച്ചിരുന്നു. തിയേറ്ററുകളില്‍ വലിയ സ്വീകാര്യത ലഭിക്കാന്‍ ഈ മേളകളിലെ പ്രകടനം നിര്‍ണായകമായി.
മമ്മൂട്ടി, സാധന, അഞ്ജലി അമീര്‍ എന്നിവരുടെ താരതമ്യങ്ങളില്ലാത്ത പെര്‍ഫോമന്‍സാണ് പേരന്പ് എന്ന സിനിമയെ ഇത്രവലിയ വിജയമാക്കി തീര്‍ത്തത്. ഏഴുകോടി ബജറ്റില്‍ പൂര്‍ത്തിയായ സിനിമ പി എല്‍ തേനപ്പനാണ് നിര്‍മ്മിച്ചത്.
ഈ വര്‍ഷത്തെ ദേശീയ പുരസ്കാരത്തില്‍ പേരന്‍‌പും അതിന്‍റെ പിന്നണിപ്രവര്‍ത്തകരും മികച്ചനേട്ടം കൊയ്യുമെന്നാണ് പ്രതീക്ഷിക്കുന്നത്.
