38 വര്‍ഷത്തെ പിണക്കം, എല്ലാം മറന്ന് രജനികാന്തും സത്യരാജും,'കൂലി'ചിത്രീകരണം ജൂണ്‍ മുതല്‍ ആരംഭിക്കും

Sathyaraj and Rajinikanth

നടന്‍ രജനികാന്ത് തന്റെ അടുത്ത ചിത്രമായ 'കൂലി'യുടെ ജോലികള്‍ ഉടന്‍ ആരംഭിക്കും.'തലൈവര്‍ 171' എന്ന പേരില്‍ അറിയപ്പെടുന്ന ചിത്രത്തിന്റെ പ്രീ-പ്രൊഡക്ഷന്‍ ജോലികള്‍ പൂര്‍ത്തിയായി, ആദ്യ പകുതിയുടെ തിരക്കഥ പൂര്‍ത്തിയായി.

ജൂണ്‍ മുതല്‍ ചിത്രീകരണം ആരംഭിക്കും.നടന്‍ സത്യരാജും സിനിമയിലുണ്ട്.40 വര്‍ഷങ്ങള്‍ക്ക് ശേഷമാണ് രജനിയും സത്യരാജും ഒന്നിക്കുന്നത്.രജനികാന്തും സത്യരാജും നിരവധി തമിഴ് സിനിമകളില്‍ സ്‌ക്രീന്‍ സ്പേസ് പങ്കിട്ടിരുന്നുവെങ്കിലും ഇരുവരും തമ്മിലുള്ള അഭിപ്രായവ്യത്യാസത്തെത്തുടര്‍ന്ന് താരങ്ങള്‍ പരസ്പരം സഹകരിക്കുന്നത് നിര്‍ത്തി. പഴയ പ്രശ്‌നങ്ങള്‍ പരിഹരിച്ച് രണ്ടാളും ലോകേഷ് കനകരാജിന്റെ 'കൂലി'യില്‍ അഭിനയിക്കും.

 2008ല്‍ രജനികാന്തിന്റെ 'ശിവാജി'യില്‍ സത്യരാജ് വില്ലനായി എത്തുമെന്ന് നേരത്തെ പറഞ്ഞിരുന്നുവെങ്കിലും പിന്നീട് ഓഫര്‍ സത്യരാജ് നിരസിച്ചു.  

 സത്യരാജിന് പുറമെ ശ്രുതി ഹാസന്‍, വിജയ് സേതുപതി, മോഹന്‍ എന്നിവരും ചിത്രത്തില്‍ അഭിനയിക്കുമെന്ന് പറയപ്പെടുന്നു. ചിത്രത്തിലെ അഭിനേതാക്കളെ നിര്‍മ്മാതാക്കള്‍ ഇതുവരെ ഔദ്യോഗികമായി പ്രഖ്യാപിച്ചിട്ടില്ല. അനിരുദ്ധ് രവിചന്ദറാണ് സിനിമയ്ക്ക് സംഗീതം ഒരുക്കിയിരിക്കുന്നത്.