ബോളിവുഡിലാണെങ്കില്‍ ഒരിക്കലും അങ്ങനെ സംഭവിക്കില്ല,ഫഹദിന്റെ ആവേശത്തെക്കുറിച്ച് അനുരാഗ് കശ്യപ്

മലയാളം സിനിമകളെ പ്രശംസിച്ച് ബോളിവുഡ് സംവിധായകന്‍ അനുരാഗ് കശ്യപ്. ഫഹദിന്റെ സിനിമയായ ആവേശത്തെക്കുറിച്ചും അദ്ദേഹം സംസാരിച്ചു.

ആവേശത്തില്‍ ഫഹദ് ഫാസിലിന്റെ കൂടെ അഭിനയിച്ച് മൂന്ന് ഇന്‍ഫ്‌ലുന്‍സര്‍ കുട്ടികളാണ്. ബോളിവുഡിലാണെങ്കില്‍ ഒരിക്കലും അങ്ങനെ സംഭവിക്കില്ല. ആ സ്ഥാനത്ത് ഏതെങ്കിലും താരങ്ങളെ കുത്തിത്തിരുകിയേനെ. 

കഥയ്ക്ക് പ്രാധാന്യം കൊടുക്കാതെ സ്റ്റാര്‍ വാല്യൂവിന് പ്രാധാന്യം കൊടുക്കുന്നതാണ് ബോളിവുഡ് ചിത്രങ്ങളുടെ പ്രശ്‌നം. കഥയ്ക്ക് പ്രാധാന്യം കൊടുക്കുന്നത്‌കൊണ്ടാണ് ദക്ഷിണേന്ത്യന്‍ ചിത്രങ്ങള്‍ മികച്ചതാകുന്നതെന്ന് അനുരാഗ് കശ്യപ് പറഞ്ഞു.