അങ്ങനെ ഒരു ഭർത്താവിനെ ഏത് പെൺകുട്ടിയാണ് ആഗ്രഹിക്കാത്തത്? ആ നടനെ കുറിച്ച് അന്ന് തൃഷ പറഞ്ഞത്

മഗിഴ് തിരുമേനി-അജിത്ത് കൂട്ടുകെട്ട് ഒന്നിച്ച വിടാമുയർച്ചി തിയേറ്ററുകളിൽ സമ്മിശ്ര പ്രതികരണം നേടി മുന്നേറുകയാണ്. തൃഷയാണ് നായിക. ഇത് അഞ്ചാം തവണയാണ് തൃഷയും അജിത്തും ഒന്നിക്കുന്നത്. അജിത്തിനൊപ്പമുള്ള അഭിനയത്തെ കുറിച്ചും അജിത്തിനെ കുറിച്ചും മുൻപൊരിക്കൽ തൃഷ ഒരു അഭിമുഖത്തിൽ തുറന്നു സംസാരിച്ചത് ശ്രദ്ധേയമായിരുന്നു. തൃഷയുടെ ഈ അഭിമുഖമാണ് ഇപ്പോൾ അജിത്ത് ആരാധകർ ഏറ്റെടുത്തിരിക്കുന്നത്.

'അജിത്ത് വളരെ പ്രൊഫഷണലാണ്. സിനിമകളെക്കുറിച്ച് ഞങ്ങൾ സംസാരിക്കാറില്ല. ആളുകളെക്കുറിച്ചും ലോകത്ത് എന്താണ് നടക്കുന്നതിനെക്കുറിച്ചും സംസാരിക്കും. ഉപ​ദ്രവകരമല്ലാത്ത ​ഗോസിപ്പുകൾ പറയും. അദ്ദേഹം ജീവിതം നയിക്കുന്ന രീതി എനിക്കിഷ്ടമാണ്. ആക്ടിം​ഗ് മാറ്റി വെച്ച് റേസിം​ഗിന് പോയി. എന്നെ അറിന്താൽ ഷൂട്ടിം​ഗ് 9 മണിക്കായിരുന്നു തുടങ്ങുക.

രാവിലെ അഞ്ച് മണിക്ക് എഴുന്നേറ്റ് ​ഗിറ്റാർ ക്ലാസിന് പോകും. വളരെ നല്ല ഭർത്താവും അച്ഛനുമാണ്. ഏത് പെൺകുട്ടിയും അങ്ങനെയൊരു ഭർത്താവിനെ ആ​ഗ്രഹിക്കുമെന്നും തൃഷ അന്ന് പറഞ്ഞു. അതേസമയം തൃഷയും അജിത്തും പ്രൊഫഷണൽ ബന്ധത്തിനപ്പുറം സുഹൃത്തുക്കളല്ല. വർഷങ്ങൾക്കിപ്പുറം നൽകിയ അഭിമുഖത്തിൽ അജിത്ത് സാറുടെ നമ്പർ തന്റെ കെവശമില്ലെന്ന് തൃഷ പറഞ്ഞിരുന്നു.