മാസങ്ങളുടെ ഇടവേളയ്ക്ക് ശേഷം ദിലീപ് മനസുതുറന്നു. ജാമ്യം ലഭിച്ച് പുറത്തിറങ്ങിയ ശേഷം നീണ്ട മൌനത്തിനൊടുവിലാണ് ഫേസ്ബുക്കില്‍ ഒരു കുറിപ്പിലൂടെ ദിലീപ് പ്രതികരിച്ചിരിക്കുന്നത്. ഏത് പ്രതിസന്ധിയിലും കൂടെ നില്‍ക്കുന്ന ആരാധകരാണ് തന്‍റെ ശക്തിയെന്നാണ് ദിലീപ് പറയുന്നത്. ‘കമ്മാരസംഭവം’ എന്ന പുതിയ ചിത്രത്തിന്റെ ആദ്യലുക്ക് പോസ്റ്റര്‍ പങ്കുവച്ചുകൊണ്ടാണ് ദിലീപ് എഫ് ബിയില്‍ പോസ്റ്റിട്ടിരിക്കുന്നത്.
ദിലീപിന്‍റെ പോസ്റ്റിന്‍റെ പൂര്‍ണരൂപം:
പ്രിയപ്പെട്ടവരെ,
ഏറെ നാളുകള്‍ക്ക്‌ ശേഷമാണ്‌ സോഷ്യല്‍ മീഡിയയില്‍, എത്‌ പ്രതിസന്ധിയിലും, ദൈവത്തെപ്പോലെ നിങ്ങള്‍ എനിക്കൊപ്പമുണ്ടെന്നതാണ്‌ എന്റെ ശക്തി. തുടര്‍ന്നും, നിങ്ങളുടെ സ്നേഹവും കരുതലും എനിക്കൊപ്പമുണ്ടാവണമെന്ന് അഭ്യര്‍ത്ഥിച്ച്‌ കൊണ്ടും എല്ലാവര്‍ക്കും ഐശ്വര്യപൂര്‍ണ്ണമായ ഒരു പുതുവര്‍ഷം നേര്‍ന്നുകൊണ്ടും എന്റെ അഭിനയജീവിതത്തിലെ ഏറ്റവും വ്യത്യസ്ഥമായ "കമ്മാരസംഭവം" എന്ന ചിത്രത്തിന്റെ ഫസ്റ്റ്‌ ലുക്ക്‌ പോസ്റ്ററും നിങ്ങള്‍ക്ക്‌ സമര്‍പ്പിക്കുന്നു.