നിവിൻ പോളിയുടെ ‘കനകം കാമിനി കലഹം’ ചിത്രീകരണം പൂർത്തിയായി !

നിവിൻ പോളിയുടെ ‘കനകം കാമിനി കലഹം’ ചിത്രീകരണം പൂർത്തിയായി. വിനയ് ഫോർട്ടും ഗ്രേസ് ആന്റണിയും ഈ സിനിമയിൽ ശ്രദ്ധേയമായ കഥാപാത്രങ്ങളെ അവതരിപ്പിക്കുന്നു. ആൻഡ്രോയിഡ് കുഞ്ഞപ്പന് ശേഷം രതീഷ് ബാലകൃഷ്ണൻ പൊതുവാൾ സംവിധാനം ചെയ്യുന്ന  സിനിമ ആക്ഷേപഹാസ്യത്തിനു പ്രാധാന്യമുള്ള ഒരു കുടുംബ ചിത്രമാണ്.

ആൻഡ്രോയ്ഡ് കുഞ്ഞപ്പൻ പോലെ തന്നെ ഈ ചിത്രവും സാധാരണക്കാരെയും അവരുടെ ജീവിതത്തെയും കുറിച്ചാണ്. രസകരമായ ഒരു സംഭവത്തെ അടിസ്ഥാനമാക്കിയാണ് ചിത്രം ഒരുക്കുന്നതെന്ന് രതീഷ് നേരത്തെ പറഞ്ഞിരുന്നു. 

വിൻസി അലോഷ്യസ്, ജാഫർ ഇടുക്കി, ജോയ് മാത്യു, ശിവദാസ് കണ്ണൂർ, രാജേഷ് മാധവൻ എന്നിവരാണ് മറ്റ് പ്രധാന വേഷങ്ങളിൽ എത്തുന്നത്.