മീര ജാസ്മിനൊപ്പം അഭിനയിക്കാന്‍ ജയറാം എത്തി, സത്യന്‍ അന്തിക്കാട് ചിത്രത്തിന്റെ വിശേഷങ്ങള്‍, ലൊക്കേഷന്‍ ചിത്രങ്ങള്‍
വ്യാഴം, 21 ഒക്‌ടോബര്‍ 2021 (16:21 IST)
സത്യന്‍ അന്തിക്കാട് ജയറാം ചിത്രത്തിന്റെ ഷൂട്ടിംഗ് പുരോഗമിക്കുകയാണ്. അടുത്തിടെ മീര ജാസ്മിന്‍ ടീമിനൊപ്പം ചേര്‍ന്നിരുന്നു. ഇപ്പോഴിതാ സെറ്റില്‍ ജയറാമും എത്തി.
'വീണ്ടും ചില വീട്ടുകാര്യങ്ങളുമായി ഒരിക്കല്‍ കൂടി... മടങ്ങിയെത്തിയതില്‍ സന്തോഷം'- ജയറാം കുറിച്ചു.
വര്‍ഷങ്ങളുടെ നീണ്ട ഇടവേളയ്ക്ക് ശേഷം മലയാളികളുടെ പ്രിയ താരം മീര ജാസ്മിന്‍ സിനിമയില്‍ തിരിച്ചെത്തുന്ന സിനിമ കൂടിയാണിത്. വിജയദശമി ദിനത്തില്‍ മീര ക്യാമറയ്ക്ക് മുന്നിലെത്തി.ജൂലിയറ്റ് എന്നാണ് കഥാപാത്രത്തിന്റെ പേര്. , ദേവികയും, ഇന്നസെന്റും, സിദ്ദിഖും, കെ പി എ സി ലളിതയും, ശ്രീനിവാസനുമൊക്കെയുണ്ട് ചിത്രത്തില്‍ .