'അടുത്ത ബാഹുബലി അണിയറയില്‍ ഒരുങ്ങുന്നു'; പത്തൊമ്പതാം നൂറ്റാണ്ടിനെക്കുറിച്ച് വിനയന്‍

വിനയന്‍-സിജു വില്‍സണ്‍ ചിത്രം പത്തൊമ്പതാം നൂറ്റാണ്ടിനായി കാത്തിരിക്കുകയാണ് സിനിമ ലോകം. സിനിമ തീയറ്ററുകള്‍ മാത്രമേ റിലീസ് ചെയ്യുകയുള്ളൂ എന്ന ഉറപ്പ് സംവിധായകന്‍ നല്‍കി. ഒരുപാട് ജൂനിയര്‍ ആര്‍ട്ടിസ്റ്റുകള്‍ ഉള്ള രംഗങ്ങളെല്ലാം രണ്ടാം തരംഗത്തിന് മുമ്പ് തന്നെ ചിത്രീകരിക്കാന്‍ ആയെന്ന സന്തോഷത്തിലാണ് അദ്ദേഹം. ഇനി ക്ലൈമാക്‌സ് കൂടിയേ ബാക്കിയുള്ളൂ.

പറയാതിരിക്കാന്‍ ആകില്ലെന്നും അടുത്ത ഒരു ബാഹുബലി തന്നെയാണ് അണിയറയില്‍ ഒരുങ്ങുന്നതെന്ന് സംവിധായകന്‍ ഒരു അഭിമുഖത്തിനിടെ പറഞ്ഞു. പഴയകാല പുനര്‍ സൃഷ്ടിക്കുക എന്നതായിരുന്നു ഈ ചിത്രത്തെ സംബന്ധിച്ച് ഏറ്റവും കഠിനമായ കാര്യം. എന്നാല്‍ ഫസ്റ്റ് കട്ട് കഴിഞ്ഞപ്പോള്‍ തനിക്ക് പറയാനാകും തന്റെ ക്രൂ അതില്‍ വിജയിച്ചു എന്നത്. താന്‍ വിചാരിച്ചതിലും വലിയ സിനിമയായിരിക്കും ഇതൊന്നും വിനയന്‍ കൂട്ടിച്ചേര്‍ത്തു.

പത്തൊമ്പതാം നൂറ്റാണ്ട്' എഡിറ്റിംഗ് വര്‍ക്കുകള്‍ ഉള്‍പ്പെടെയുള്ള പോസ്റ്റ് പ്രൊഡക്ഷന്‍ ജോലികള്‍ പുരോഗമിക്കുകയാണ്. ക്ലൈമാക്‌സ് ഉള്‍പ്പെടെയുള്ള രംഗങ്ങളാണ് ഇനി ചിത്രീകരിക്കേണ്ടതെന്ന് സംവിധായകന്‍ പറഞ്ഞു. ഇപ്പോഴിതാ സിനിമയുടെ ഡബ്ബിംഗും പുരോഗമിക്കുകയാണ്. സിജു വില്‍സണും ടിനി ടോമും ഒരുമിച്ചുള്ള രംഗങ്ങളുടെ ഡബ്ബിംഗ് അടുത്തിടെ തുടങ്ങിയിരുന്നു.