പൃഥ്വിരാജ്-ഷാജി കൈലാസ് ചിത്രം 'കടുവ' ചിത്രീകരണം ഏപ്രില്‍ 17നാണ് ആരംഭിച്ചത്.ബോളിവുഡ് നടന്‍ വിവേക് ??ഒബ്രോയിയും നടി സംയുക്ത മേനോനും ചിത്രത്തിലുണ്ട്. ലൊക്കേഷന്‍ ചിത്രങ്ങളില്‍ ഇരുവരെയും ടാഗ് ചെയ്തു കൊണ്ടാണ് അണിയറ പ്രവര്‍ത്തകര്‍ പുറത്തുവിട്ടത്. ലൂസിഫറിന് ശേഷം വിവേക് ഒബ്രോയിയുമായി പൃഥ്വിരാജ് സ്‌ക്രീന്‍ സ്‌പേസ് പങ്കിടും. അതേസമയം ആദ്യമായാണ് സംയുക്ത മേനോന്‍ പൃഥ്വിക്കൊപ്പം ഒന്നിക്കുന്നത്.
വിവേക് ഒബ്രോയി വില്ലന്‍ വേഷത്തില്‍ എത്തുമെന്നാണ് റിപ്പോര്‍ട്ടുകള്‍.
ദിലീഷ് പോത്തന്‍,സായികുമാര്‍, സിദ്ദീഖ്, ജനാര്‍ദ്ദനന്‍, ഹരിശ്രീ അശോകന്‍, വിജയരാഘവന്‍, അജു വര്‍ഗീസ്, രാഹുല്‍ മാധവന്‍ തുടങ്ങിയവരും ചിത്രത്തിന്റെ ഭാഗമായിരിക്കും. ഇതുസംബന്ധിച്ച ഔദ്യോഗിക പ്രഖ്യാപനം അടുത്തുതന്നെ ഉണ്ടാകുമെന്നാണ് പ്രതീക്ഷിക്കുന്നത്.
