ലിയോണല്‍ മെസിയുടെ അര്‍ജന്റീന കോപ്പ അമേരിക്ക ഫൈനലില്‍ പ്രവേശിച്ചു. സെമി ഫൈനലില്‍ കൊളംബിയയെ തകര്‍ത്താണ് അര്‍ജന്റീന ഫൈനലില്‍ എത്തിയത്. നിശ്ചിത സമയത്ത് ഇരു ടീമുകളും 1-1 എന്ന നിലയിലായിരുന്നു. മത്സരം സമനിലയായതോടെ വിജയികളെ തീരുമാനിക്കാന്‍ പെനല്‍റ്റി ഷൂട്ടൗട്ട് നടത്തേണ്ടിവന്നു. ഷൂട്ടൗട്ടില്‍ അര്‍ജന്റീന ഗോളി എമിലിയാനോ മാര്‍ട്ടിനെസ് രക്ഷകനായി അവതരിച്ചു. കൊളംബിയയുടെ മൂന്ന് ഷോട്ടുകള്‍ മാര്‍ട്ടിനെസ് തടുത്തു. വര്‍ധിത ആത്മവീര്യത്തോടെയാണ് മാര്‍ട്ടിനെസ് അര്‍ജന്റീനയുടെ ഗോള്‍വല കാത്തത്.
