ക്രിസ്റ്റ്യാനോ റൊണാള്‍ഡോ അല്‍ നസ്റുമായുള്ള കരാര്‍ ഒരു വര്‍ഷത്തേക്ക് കൂടി നീട്ടാന്‍ ധാരണയിലെത്തിയതായി റിപ്പോര്‍ട്ട്. 2026 ജൂണ്‍ വരെ സൗദി ക്ലബില്‍ തുടരുന്ന രീതിയിലാകും താരം കരാറില്‍ ഒപ്പുവെയ്ക്കുക. ഉടന്‍ തന്നെ ഇത് സംബന്ധിച്ച പ്രഖ്യാപനമുണ്ടാകുമെന്നാണ് പ്രതീക്ഷിക്കുന്നത്.
കഴിഞ്ഞയാഴ്ച 40 വയസ്സ് തികഞ്ഞ റൊണാള്‍ഡോ 2023 ജനുവരിയിലാണ് അല്‍ നസ്‌റില്‍ ചേര്‍ന്നത്. ക്ലബിനായി 90 മത്സരങ്ങളില്‍ നിന്നും 82 ഗോളുകള്‍ താരം നേടിയിട്ടുണ്ട്. അല്‍ നസ്‌റില്‍ തന്നെയാകും തന്റെ കരിയര്‍ അവസാനിപ്പിക്കുക എന്ന സൂചന താരം മുന്‍പ് നല്‍കിയിട്ടുണ്ട്. അല്‍-നസ്‌റില്‍ അറബ് ക്ലബ് ചാമ്പ്യന്‍സ് കപ്പ് ഒഴികെ മറ്റ് കിരീടങ്ങള്‍ നേടാന്‍ റൊണാള്‍ഡോയ്ക്ക് സാധിച്ചിട്ടില്ല.
