Publish Date: Wed, 21 Dec 2022 (12:53 IST)
Updated Date: Wed, 21 Dec 2022 (12:55 IST)
അർജൻ്റീനയുടെ ലോകകപ്പ് വിജയത്തിന് പിന്നാലെ തന്നെ പിന്തുണച്ച എല്ലാവർക്കും നന്ദി പറഞ്ഞ് ലയണൽ മെസ്സി. സമൂഹമാധ്യമങ്ങളിലൂടെയാണ് ലയണൽ മെസ്സി നന്ദി പ്രകടിപ്പിച്ചത്.തൻ്റെ കുട്ടിക്കാലം മുതലുള്ള ചെറിയ വീഡിയോയും ഇതിനൊപ്പം താരം പങ്കുവെച്ചിട്ടുണ്ട്.
ഗ്രാൻഡോളി മുതൽ ഖത്തർ ലോകകപ്പ് വരെ 30 വർഷത്തോളമെടുത്തൂ. ആ പന്ത് എനിക്ക് സന്തോഷങ്ങളും സങ്കടങ്ങളും സമ്മാനിച്ച് മൂന്ന് പതിറ്റാണ്ടിനോട് അടുക്കുന്നു. ലോകചാമ്പ്യന്മാരാകുക എന്ന സ്വപ്നം എനിക്ക് എപ്പോഴുമുണ്ടായിരുന്നു. 2014ലെ ലോകകപ്പിൽ ഞങ്ങൾക്കൊപ്പം ഉണ്ടായിരുന്നവരുടേത് കൂടിയാണ് ഈ കപ്പ്. അവരും അവസാനം വരെ പൊരുതി. സ്വർഗത്തിലിരുന്ന് ഡീഗോയും ഞങ്ങളെ പ്രോത്സാഹിപ്പിച്ചു. മെസ്സി കുറിച്ചു.
പരാജയങ്ങൾ യാത്രയുടെ ഭാഗമാണ്. നിരാശകളില്ലാതെ വിജയം കൈവരിക്കുക എന്നത് അസാധ്യമാണ്. എൻ്റെ ഹൃദയത്തിൽ നിന്നുള്ള നന്ദി. നമുക്ക് ഒരുമിച്ച് മുന്നോട്ട് പോകാം. മെസ്സി പറയുന്നു.
