ഗ്ലൂട്ടാത്തയോണ്‍ എന്നത് നമ്മുടെ ശരീരത്തില്‍ തന്നെയുള്ള ഒരു ആന്റിഓക്‌സിഡന്റാണ്. ഇത് ശരീരത്തില്‍ ലിവറിലാണ് ഉല്‍പാദിപ്പിക്കപ്പെടുന്നത്. പ്രായമേറുന്തോറും നമ്മുടെ ശരീരത്തില്‍ ഗ്ലൂട്ടാത്തയോണ്‍ കുറഞ്ഞ് വരും. രോഗങ്ങളിൽ നിന്ന് ശരീരത്തെ സംരക്ഷിക്കുക, കാൻസർ കോശങ്ങളുടെ വളർച്ചയെ തടയുക, ഇൻസുലിൻ സംവേദനക്ഷമത മെച്ചപ്പെടുത്തുക, ചർമം തിളങ്ങാൻ സഹായിക്കുക തുടങ്ങിയ പല തരത്തിലുള്ള ഗുണങ്ങൾ ഇതിന് അടങ്ങിയിട്ടുണ്ട്.
ഇന്നത്തെ കാലത്ത് ചര്‍മ്മ സംരക്ഷണത്തിനും മുഖത്തെ നിറം കൂട്ടാനും ഗ്ലൂട്ടാത്തയോണ്‍ ഉപയോഗിക്കുന്നവരുടെ എണ്ണം വര്‍ദ്ധിച്ചുവരികയാണ്. ഗ്ലൂട്ടാത്തയോണ്‍ ഉത്പാദിപ്പിക്കാൻ ചില ഭക്ഷണങ്ങൾ നമ്മെ സഹായിക്കും. ഇതിനായി ഡയറ്റില്‍ ഉള്‍പ്പെടുത്തേണ്ട ഭക്ഷണങ്ങൾ എന്തൊക്കെയെന്ന് നോക്കാം;
അവക്കാഡോ: അമിനോ ആസിഡ് അടങ്ങിയ അവക്കാഡോ കഴിക്കുന്നത് ഗ്ലൂട്ടാത്തയോണ്‍ ഉത്പാദിപ്പിക്കാൻ സഹായിക്കും
ചീര: ഫോളേറ്റ്, വിറ്റാമിന്‍ ബി, ആന്‍റി ഓക്സിഡന്‍റുകള്‍ തുടങ്ങിയവ അടങ്ങിയ ചീര കഴിക്കുന്നതും ഗ്ലൂട്ടാത്തയോണ്‍ ഉത്പാദിപ്പിക്കാൻ സഹായിക്കും.
തണ്ണിമത്തൻ: അമിനോ ആസിഡ് അടങ്ങിയ തണ്ണിമത്തന്‍ ഡയറ്റില്‍ ഉള്‍പ്പെടുത്തുന്നതും ഗ്ലൂട്ടാത്തയോണ്‍ ഉത്പാദിപ്പിക്കാൻ സഹായിക്കും. ചര്‍മ്മത്തിലെ ജലാംശം നിലനിര്‍ത്താനും ഇത് സഹായിക്കും.
ചിയാ സീഡ്: അമിനോ ആസിഡ്, ആന്‍റി ഓക്സിഡന്‍റുകള്‍ തുടങ്ങിയവ ചിയാ സീഡ് ഡയറ്റില്‍ ഉള്‍പ്പെടുത്തുന്നതും ഗ്ലൂട്ടാത്തയോണ്‍ ഉത്പാദിപ്പിക്കാൻ സഹായിക്കും.
സ്ട്രോബെറി: വിറ്റാമിന്‍ സി, ആന്‍റി ഓക്സിഡന്‍റുകള്‍ തുടങ്ങിയവ അടങ്ങിയ സ്ട്രോബെറിയും ഗ്ലൂട്ടാത്തയോണ്‍ ഉത്പാദിപ്പിക്കാനും ചര്‍മ്മത്തിന്‍റെ ആരോഗ്യം സംരക്ഷിക്കാനും സഹായിക്കും.
ഓറഞ്ച്: വിറ്റാമിന്‍ സി, ആന്‍റി ഓക്സിഡന്‍റുകള്‍ തുടങ്ങിയവ അടങ്ങിയ ഓറഞ്ചും ഗ്ലൂട്ടാത്തയോണ്‍ ഉത്പാദിപ്പിക്കാനും ചര്‍മ്മം തിളങ്ങാനും സഹായിക്കും.
വെളുത്തുള്ളി: വെളുത്തുള്ളിയില്‍ അടങ്ങിയ ആലിസിനും ഗ്ലൂട്ടാത്തയോണ്‍ ഉത്പാദിപ്പിക്കാന്‍ സഹായിക്കും.
